ДР-лул БувчIавурттал комиссиялул дунни АьФ-лул ФС-лул ПаччахIлугърал Думалувун­сса депутатътурал бувчIавурттал хIасиллу.

ЧIурду булаврил хIасиллайн бувну, Ухссавнил 10-мур ца мандат­райнусса бувчIавурттал округрай чIурду буллуну бур 89,45 процент агьалинал. Ти­кку Оьмахан Оьма­хановлул лав­сун бур чIявуми чIурду (67,5%) циняв кандидатътуравату. БувчIавурттал комиссиялул хIукмулийну га увчIуну ур ПаччахIлугърал Думалул депутатну. Округрай партиярттал сияхIирттавату «Единая Россия» партиялул лавсун бур 87,63%, кIилчинмур кIанай дур КПРФ-5,24%, «Справедливая Россия-лул» лавсун бур 2,72% чIурдал. ЛирчIми цинярда партиярттахлу буллуну бур 1 процентраяргу чансса чIурду.
11-мур центральный був­чIавурттал округрай чIурду буллуну бур 89,96% агьалинал. ЧIурду булаврил хIасиллайну АьФ-лул ПаччахIлугърал Думалул депутатну увчIуну ур АьбдулхIамид ЭмирхIамзаев, ганахлу буллуну бур 88,86% чIурдал. КIилчин кIанай ур, чIур­ду хIисавну, МахIмуд МахIмудов.
Политикийсса партиярттавату «Единая Россиялул» лавсун бур 89,39% чIурдал, КПРФ-лул 5,77%, «Справедливая Россиялул – 1,81% чIурдал. Ва округрай лирчIми цинярда партиярттахлу буллуну бур 1 процентраяргу чансса чIурду.
12-мур Кьиблалул був­чIа­вурттал округрай чIурду буллуну бур 85,11% избирательтурал. БувчIавурттал хIасиллайну ПаччахIлугърал Думалул депутатну увчIуну ур Аьбдулмажид МахIрамов, ганахлу буллуну бур 68,71% чIурдал. КIилчинмур кIанай ур Абуссупиян Хархаров.
Округрай партиярттал сия­хIирттавату «Единая Россиялул» лавсун бур 89,56%, КПРФ-лул – 5%, «Справедливая Россиялул» — 2,15%. ЛирчIми партиярттахлу буллуну бур ца процентраяргу чансса чIурду.
Дагъусттаннай ПаччахI­лугърал Думалувунсса був­чIавур­­ттай «Единая Россия» партиялул лавсун бур 88,86% чIурдал.
Аьбдулмажид МахIра­мовлух­лу Ккуллал райондалий буллуну бур 7193 чIу (цинявппа 7477 избиратель). Лакрал райондалий ванахлу буллуну бур 6909 чIу (цинявппа 7698).
ЦIуссалакрал райондалий Аьб­дулмажид МахIрамовлухлу буллуну бур 18857 чIу (циняв­ппа 21 495).