Жула учайссар «ххяххабургъил гъили къаувма, лагабургъилгу гъили къаайссар» куну. Мукунсса оьрму бивкIун бур жул бавал ХIажиева Лайлил. Дунияллийн бувккун 6 барз хьуну, Лайлил бава диркIуну дур. Ва хъунма буллан багьну бур ниттил буттан Мазяйн (Мазяй – Мазаев Казбеклул буттал аьпа баннав цал, Мазяев Макьсудлулгу ттатта хъанай ур). Жул агьлу ца бур.
ЧАРИННУЛ АРС ЧАРИНОВ МАММЕД Махъсса ппурттуву, цукссава бунагьиртталун багьлай буссарив жул Вихьуллал жямат, цаннияр ца аьсивсса, жагьилсса инсантал дунияллия лаглагисса чIявусса ишру хъанай бур шяраву.
Мартрал 31-нний Къизлардал райондалул Аверьяновка шяраву хьунни Дагъусттаннал хъузалтрал 2-мур форум «Зов родной земли». Мунил сиптачи хьунни Дагъусттаннал БакIчи Рамазан АьбдуллатIипов.
Итни кьини, март зурул 30-нний, хьунни МахIачкъала шагьрулул Ленинский райондалул судрал заседание. Муний Дагъусттаннал журналист Аьвдулмалик АхIмадилов оьрмулуцIа увсса Мурад Шуаьйбовлуй ва Ися АьвдурахIмановлуй тахсир ккаклакисса ва миннан танмихI кьукьлакьисса хIукму бунни.
Социал пенсияртту ва паччахIлугърал щаллу байсса пенсияртту (пенсии по государственному пенсионному обеспечению) апрельданул 1-нния шинмай ххи буллалиссар 10,3 процентрал, гьар зурух дулайсса арцуйнусса выплатартту (ЕДВ) – 5,5 процентрал.
Дунияллул халкьуннал театрдал институтрал IХ-мур конгрессрай 1961 шинал цIакь дурну, муния мукьах гьарца шинал мартрал 27-нний кIицI лагайссар Дунияллул халкьуннал театрдал кьини. Лахъа-хъунну дувай му байран 12 паччахIлугърал театр бусса Дагъусттаннайгу.
Мартрал 25-нний щалагу Аьрасатнаву кIицI лагайссар Культуралул зузалал кьини. Му Кьинилул мархри бур 2007 шинаву. Му шиная шиннай, Аьрасатнал Федерациялул президент Владимир Путиннул ХIукмулийн бувну, мартрал 25-нний кIицI лагайссар Культуралул зузалала кьини. Мунил сипталущаллив увккун ур га чIумал АьФ-лул культуралул министрну ивкIсса Александр Соколов.
Махъсса шиннардий кIулшивуртту дулаврил системалуву зузими бикIу, машгьурсса аьлимтал бикIу чIявуну кIицI лаглай бур школарттан куртIсса кIулшивуртту дулаврицIун, цIакьсса тарбиялул гьану бизавугу хьхьичIунну ва агьамсса давуну дикIан аьркиншиву, гьамин тарбиялулмур хъар щаллуну нитти-буттахъал хъачIунттайн рутаврийну мюнпат щинчIав къабикIантIишиву.
Шанна кьини МахIачкъалалив бишлай бивкIсса гужсса мурчал азарахъул инсан, ацIвахъул кIичIиртту, шагьрулул сайки циняр поселокру ттукI, щин, ца-ца кIанттурдай газгу бакъа кьабивтунни.
Ларгсса нюжмардий МахIачкъалаллал администрациялучIасса Культуралул управлениялул сакиншиннаралу, «Белый дом» ресторандалуву, кIицI ларгунни Культуралул зузалал кьини. Ва кьини кIицI лагайссар творчествалухун машхулсса, кинематографиялул, полиграфиялул,
