Багьлул ххирасса карта
Кубанаву совет аьралуннал объектру дусса кIанттурду ккаккан буллалисса Кеннедил карта аукциондалий 113 азарда долларданун дарххуну дур. Му 1962 шиналсса карта дусса дур, МиГ истребителлу, ракетарду чув дуссарив ккаккан дуллалисса ва уттинин кьюлтIну ядуллай диркIсса. Ва карталух арцу дуллуманал цIа буслай бакъар. 1778 шинал Американал цалчинма президент Джорд Вашингтоннул чивчусса чагъарданух акционертурал так 29 азарда доллар дуллуну дур.
Уздансса тIул
Хабаровскалиясса Оксана Музыка тIисса душнин, Дагъусттаннал «Тут годекан» интернет-группалул конкурсрай ххув хьуну тIий, бахшишран машина буллуну бур. 270 азара инсан гьуртту хьуну ур конкурсрай, Оксанан хьуну бур тIайлабацIу. Амма къабусурман душнил бусурманнал оьрчIан кумаг буван му машина «Инсан» фондрал вакилтурайн тапшур бувну бур, машина бавххуну хьусса арцу къашавайсса ва кумаграх мюхтажсса оьрчIан дулуншиврул. Цуппа ахIвалданул личIину аваданну бакъахьурчагу, циннанияр мушакъатсса оьрчIанни арцу аьркинсса тIий бур Оксана.
Яла угьарама инсан
Гиннесрал рекордирттал луттираха зузиминнал уттигъанну баян бувунни дунияллий яла угьарама инсан 112 шин хьусса Масадзо Нонак Японнаву яхъанай ушиву. «РИА Новости» агентствалул тIурча, баян бунни, дунияллий яла бугьарами инсантал Ухссавнил Ккавкказнаву бушиву: март зуруй 122 шин хьусса ингуш Аппаз Илиев ва Къабардин-Балкьарнаву яхъанахъисса, 127 шин хьусса Нану Шаова. Аппаз ва Нану гьуртту хьуну бур март зуруй Аьрасатнал Президент увчIлачIисса бувчIавурттайгу.
Цала оьрчIан чIу баян бан къахъанахъисса бутта
Оьрмулул 40 шинавусса ингилиснал, цукунчIав оьрчIру цахва бурган, вичIи дишин бан къахъанай буну тIий, телефонная бакIру гьаз къадувайсса оьрчIащал гъалгъа баваншиврул, Ютубрай цалла канал дурну дур. Джастин Смитлул ххюва оьрчI бур, ва ур оьрчIру телефонная буцан буван къахъанай багьтIатIал хъанай ияв, утти учинмур Ютуб каналданий учара, оьрчIру чIаравва щябивкIун бунува, мукун бакъа оьрчIан цалва чIу баян бан хъанай бакъая тIий.
ХIадур бувссар
П. Рамазановал
