Цалчинмур ЦIувкIуллал шяраваллил зума-къирагърай, Совет Союзрал кIийла Виричу АхIмад-Хан Султаннул суратгу дусса, цIагу чирчусса монумент (стела) дуссар. Махъ ппурттуву чичругу сайки лирххун, сурат дусса плакатгу мадара дух дурккун дия. Уттигъанну, шяравун биян лавгсса кIанттай, хIисав хьунни стела цIу дуккан дурну душиву. Виричунал суратгу пар-пар тIий, шяраваллил цIагу цIай буну, яргну чIалай. Ва давугу дурну дур...
Аьрасатнал тележурналист, мусапир Андрей Понкратов ларгсса нюжмардий «Моя Планета» телеканалданул съёмкарду дай группалущал Цалчинмур ЦIувкIрав уссия. Аьрасатнал ва кьатIаллил билаятирттал агьалинан ва кIулссар «Вокруг света», «Человек мира с Андреем Понкратовым», «Рекорды моей планеты», «А дома лучше» телепередачартту дачин дуллалиману. Щалагу дунияллийх уклакисса, икъавсса кIану къабивтсса Понкратовлул ЦIувкIравсса аьрххилул мурадгу пагьламантурал шяраваллия, магьирлугърая «Свой среди других»...
Хасъсса аьралий операциялул гьурттучи, ЦIуссалакрал райондалул Депутатътурал Мажлисрал председательнан кIанай ивкIсса Амин Оьмаров лайкь хьунни Жуковлул медальданун. 2023-ку шинал апрель зуруй Амин лавгун ур хасъсса аьралий операциялийн хушрай. Тикку щаву дирну, цIуллу-сагъшиврул тагьарданийн бувну ва гьан увну ур запасрайн. Хасъсса аьралий операциялий ванал лайкь дурну дур «За проявленное мужество», «За боевые отличия», «Участнику специальной военной...
Уттигъанну Балугъравун къабивминнал иширтталсса байсса комиссиялул пишакартал ва ЦIуссалакрал райондалул администрациялул зузалт бивунни Чапаевкаллал 1-мур, ЦIуссаккуллал 1-мур ва Гьамиящиял 1-мур школардайн. Шиккун бувкIун бия Комиссиялул хьхьичIунсса пишакар Лиана МаматIиева, ЦIуссалакрал ОМВД-лул дознаниялул группалул хъунама АхIмадхан МахIаммадов, ОМВД-лул балугъравун къабивминнал иширттал подразделениялул инспектор Рамазан Пахруттинов, «Цалчинминнал суккушиннарал» кIанттул отделениялул председатель Жамила Мусиева, райондалул школардал директортурал советниктурал...
Хасъсса аьралий операциялий ватандалул мурадру буручлай, чувшиву ккаккан дунни цикссагу ЦIуссалакрал райондалиясса жагьилтурал.Чансса бакъар вайннаву хушрай лавгссагу. – На нава рязийну лавгра хасъсса аьралий операциялийн. Ттул кулпатравумигу ттул хIукмулуцIун бавкьунни. Аьралийтурал дакIру тирх учин дай оьрчIая бувкIсса чагъардал. Цинявппа лагма лавгун, ккалан бикIару. Вайннал дакIнийхтуну чивчусса махъру жун хъинну асар шай,– тIий ур ЦIуссалакрал шяравасса...
Арманинал литературалул ва культуралул аралуву ца яла бюхттулма шаэрнан ккаллину ур, 1875-кусса шинал дунияллийн увккун, 1957-кусса шинал дунияллия лавгсса инсан, цала миллатрал язисса арс Аветик Исаакян. Ванал щалагу творчество ккалли дуллай бур Арманинал лавгмуниха, хIакьинумуниха ва бучIантIимуниха увкусса цалунмасса ца балайлун. Оьруснал классик Александр Блоклул ванал хIакъираву 1916-кусса шинал куну бур укун: «Исаакян ур ххишала...
Октябрьданул 6-нний Оьруснал театрданул Хъунмур залдануву, чIявусса илгу бавтIун, лайкьсса даражалий хьунни Дагъусттаннал халкьуннал артист Шамсуттин Къаплановлул 60 шинал юбилейран хас бувсса мажлис-бенефис. Шамсуттин Къапланов ур республикалул магьирлугърал оьрмулуву цанма хасъсса ва яргсса кIану бугьан бювхъусса артистгу, балайчигу. Театрданул каялувчитурачIа кьадру-кьиматрай, даврил уртакьтурачIа хIурматрай, илданул дянив бусравну бивтун най ур цала язи бувгьусса ххуллу. ДакI...
Закондалийну низамрайн буцаврил хIакъираву Федерал ва региондалул законодательствалийн бувну, республикалул циняв школардаву планнал чара бакъа лахьхьин аьркинмур бутIувун лавсун буссар ниттил мазру. АьФ-лул Просвещениялул министерствалул цIакь дурсса дуккаврил программарттал ккаккан дурну дур дарсирдал пландалул 6 вариант, миннувух ниттил мазрал ва литературалул дарсру лахьхьин ккаккан дурну дур 2-3 ссятрайсса. Миккугу, дарсирдал пландалул чара бакъамур бутIа баххана...
Октябрьданул 1-нний МахIачкъалаллал 39-мур лицейрачIа чIаважагьилтурал кIия оьрчI рахIму бакъа бавттусса видео Телеграм-каналлай ппив хьуну дия. Дагъусттаннал КIулшивуртту дулаврил ва элмулул министерствалул вакилтурал мяйжан бунни, та кьини гьалла дурну бивсса оьрчIру личIи-личIисса школардаясса бушиву ва чIявуми лачIун буккаврил секциялийн заназисса бушиву. Дагъусттаннал бакIчи Сергей Меликовлул чIаважагьилтал бияврийн «кьюкьаласса ишри» увкунни ва цува школалий дуклай ивкIсса...
Вай гьантрай «Илчилул» редакциялий хьунни, СВО-лул цалчинма Аьрасатнал Виричу НурмахIаммад ХIажимахIаммадовлул нину, МахIачкъала шагьрулул 54-мур школалул директор Сапижат Мазаеващалсса хьунабакьаву. Цинявннан кIулсса куццуй, хасъсса аьралий операциялий гьуртту хьуну, къучагъшиврий жан дуллусса НурмахIаммад ХIажимахIаммадовлун Аьрасатнал президент Владимир Путиннул Аьрасатнал Виричунал цIагу дуллуну, «на лаккучура, на дагъусттанлувра» куссар щалагу дунияллун баянну. Виричунал аьпа абад буван ванал цIа...
