Хасъсса аьралий операциялул гьурттучи, ЦIуссалакрал райондалул Депутатътурал Мажлисрал председательнан кIанай ивкIсса Амин Оьмаров лайкь хьунни Жуковлул медальданун.
2023-ку шинал апрель зуруй Амин лавгун ур хасъсса аьралий операциялийн хушрай. Тикку щаву дирну, цIуллу-сагъшиврул тагьарданийн бувну ва гьан увну ур запасрайн. Хасъсса аьралий операциялий ванал лайкь дурну дур «За проявленное мужество», «За боевые отличия», «Участнику специальной военной операции» медальлу. 2024-ку шинал Аьрасатнал ПрезидентначIасса Шяраваллил хозяйствалул ва паччахIлугърал къуллугърал академиялуву «Время героев» тIисса программагу лайкьну ахттар дурну, август зуруя шинай жяматийсса давурттаха зий ур. Амин ур «Память гор» тIисса ДРОО-лул правлениялул член ва Каспийскалийсса председатель. Мукуна ва хъанай ур вара организациялул республикалийсса координатор.
