КIива чIивисса
электростанция
Июньдалул 1-нний Дагъусттаннай кIива мюрщисса электростанция тIивтIуссар. Вай станциярдугу бувссар «Самурэнерджи» компаниялул Самурдал гидроэлекстростанциярдал проектрайн бувну. Ца станция – Докузпаринский райондалийсса Кавалар тIисса шяраву зун бивкIссар, 2025 шинал буллай байбивхьуну, арулва зуруй бувссар цуппагу. КIилчинмур станция Ахттиял шяраваллил чIарав зузи бувссар. Аьрасатнаву ва энергосистемалий зузи бувсса цалчинсса бургъил электростанцияр (гибридная солнечная электростанция).

Шама лаккучу –
исламрал вузрал
выпускниктал
Гьашину Дагъусттаннал исламрал университет къуртал бувминнавух ур шама лаккучу: Камил Маллаев, МахIаммад Рамазанов (Вихьлиятусса кIиягу) ва Хьуриятусса Ибрагьим ХIажиев. Университетравусса дуккаву арулла шинайссар. Ва вузрал хIадур байссар имамтал ва динийсса ишккаккулт, рувхIанийсса тарбия дулаврих, мяърипат лахьхьин дуваврихгу къулагъас хъуннассар.

4500 кулпатран –
кьурваннул дикI
Гьар шинах кунма гьашинугу «Инсан» фондрал кабакьу бунни кьурван биххан ччиминнан, сайтрайхчIин, приложениялийхчIин ягу фондрал офисравун лавгун заявкартту кьамул дурну. МахIачкъалаллал Хъунмизитрал майданнив дарчIунни дикI фондрал аякьалийн лавсъсса ва щиналу ливчIун, зараллу хьусса кулпатирттайх. Тиккун бучIан къавхьуминначIан шардай диян дуршиву бувсунни фондрал вакилтурал. Вайннал бувсмунийн бувну, так ца МахIачкъалалив дикI дарчIуну дур 4500 кулпатрайх.

12 оьрчI хъуни буллалисса ниттин – орден
Аьрасатнал президент Владимир Путиннул Дарбантлиясса Бурлият Мажидован Кремлилуву дуллунни «Нину-виричув» орден. Ванил арула арс ва ххюва душ бусса бур. Хъунама арснан 17 шин дур, чIивима дукIу декабрь зуруй увсса ур.

ПатIимат Рамазанова