ЦIу лещан дувултрал касму бучIир хIисав дуван спортсментуралмунивух. Циван учирча, нажагь цIу дагьний, цамур иш хьуний, вайннангу багьлай бур зирангну цала даву дуллан. Дагъусттаннал МЧС-рал гьарца шинах бувай цIу лещан дувултрал частирдал зузалтрал дянивсса бяст-ччаллу, конкурсру. Ми бикIай теориялул зумунуссагу, практикалул иширттайнуссагу. Ми конкурсирттавух муданмагу гьуртту шай Ккуллал райондалийсса частьрал зузалт. ДукIусса шинал ахирданий вайннан...
Уттигъанну Троицк шагьрулул Культуралул къатлуву Дагъусттаннаясса артистътурал ккаккан дунни концерт. Шадлугърал сакиншинначину хьунни Челябинскаллал филармония, Челябинскаллал губернаторнал кабакьаврийну. Дагъусттан Республикалул халкьуннал ва лайкь хьусса артистътурал Ххадижат Жамалуттиновал, Рукьият ХIамзатовал, Умайра Шяъбановал, Шагьалай МахIаммадовал ва Диляра Надировал ва кьини цалва язими балайрду щаллу бувссар ва шагьрулул инсантуран. Челябинскаллал филармониялул солисткахъалгу щаллу бувссар жулла республикалул халкьуннал мазурдийсса...
Вай гьантрай Ккурккуллал школалий хьунни хъунасса шаэр А.С.Пушкиннун хас дурсса мероприятие. Шикку гьуртту хьунни дуклаки оьрчIру, учительтал, нину-ппу. Школалул зал бия та чIумуха лавхьхьуну чIюлу бувну, чIирттайн лархъун дия шаэрнал суратру, ванал шеърирдавасса ххару, магьравасса суратру, экрандалия ккаккан буллай бия ванал оьрмулул шачIантту. Хъуними классирттал дуклаки оьрчIал бувсунни шаэрнал оьрмулия ва творчествалия, бувккунни ванал шеърирду....
МахIаммадлул арс МахIаммадов Апанни Февраль зурул 8-нний, хъунмасса хIаллай къашавайгу ивкIун, лавгунни дунияллия захIматрал ветеран, лаваймур категориялул хирург, Дагъусттаннал лайкь хьусса хIакин, МахIаммадлул арс МахIаммадов Апанни. Увссар ва 1936 шинал сентябрь зурул 26-нний Ваччав. Ванал ппу уссал усттарну зий ивкIссар. Дяъви байбишайхту, ппу зун увцуссар Табасараннал райондалийн захIматрал фронтрайн, ряхра шинавусса Апаннигу, щалва кулпатгу Табасараннавун...
Ттигъанну Ккуллал райондалул администрациялул актовый залдануву шадлугърал тагьарданий райондалул бакIчи Шамил Рамазановлул аьрщарал ва хъуслил министрнал хъиривчув Эмиль Ттаттаевлун дуллунни «Ккуллал райондалул бусравсса гражданин» тIисса цIа. Эмиль Ттаттаев ур Хъусращиял шяраватусса, увну ва хъуна хьуну ур МахIачкъалалив. ДГУ-лул юридический факультет хьхьичIунсса ккаккиярттащал къуртал бувну, зий ивкIссар МВД-лул структурардай личIи-личIисса къуллугъирттай. 2013-ку шинал зун увкIссар ДР-лул...
Февральданул 14-нний 75 шинал юбилей хьунадакьлай ур Гьунч1укьатIрал щяраватусса Малланал арс Оьмар Даудов. ДакIнийхтуну барча уллай, чIа тIий буру чIярусса шиннардийсса цIуллу-сагьшиву, барачат кулпатраву. ДакIнийсса цинявппагу мурадру бартлаганнав. Яаннав ина Заннал, винагу, жунгу. Оьрмулул уччин итаннав. Хъунисса къуллугъру къабугьарчагу, Хъунисса чIалъаьрду къабуварчагу, Ччима чув мяш хьунну, лажин кIялану, Лавмартшиву дакъа бувтунни оьрму. Тти вания тинмай...
Дагъусттаннал ЗахIматрал ва социал къайгъурдал министерствалул баян бунни 2022-ку шиналсса социал выплатартту буллай бушиву. Миннувух бушиву оьрчIан гьарца зуруй булайсса пособие, ххюйлчинсса ва ххишаласса оьрчI бувсса чIумал ахIвал кIюласса кулпатирттан булайсса пособие, кIинничалт, шанничалт ва миннуяр ххишаласса оьрчIру цал архIал бувсса чIумал цал булайсса пособие, оьрчIру цалчинмур классравун нанийни ахIвал кIюласса кулпатирттан мукунма цал булайсса...
Гьашинусса шинал март зуруя байбивхьуну кьамул дан тIий бур захIматрал шартIру дуруччаву мурадрай дурсса дахханашивурттал хIакъиравусса ихтиярдал кьануннал акт. Ва кьанундалийн бувну, инсантуран зузи кIанттурду дузал буллалими буржлувссар зурул мутталий даврийн кьамул бувсса инсантуран мюхчаншиврул кьяйдарду лахьхьин дан. Му бакъассагу, инсантал даврийн кьамул буллалиминнал шинай цал чара бакъа зузалтран лахьхьин буллан аьркинссар иш багьсса чIумал...
Республикалул ЗахIматрал министерствалул 2022-ку шинал «Демография» тIисса миллатрал проектрал лагрулий агьалинан цIанасса ппурттуву тIалавсса цаппара пишарду уква лахьхьин буллантIиссар. Проектрайн бувну, уква пишарду лахьхьин ихтияр дуссар кIицI лавгсса инсантурахь: 1. 50 шинавусса ва гихунмайсса пенсиялийн буккан хьхьичIсса оьрмулул инсантурахь; 2. ОьрчIан шанна шин хьуннинсса отпускалийн бувксса ниттихъахь; 3. ЗахIматрал кьутIирду къадурсса ва школалийн бачиннинсса 0-7...
«ОьрчIру бувсса кулпатирттан арцуйнусса кумаг баву» тIисса республикалул проектрал лагрулий 2021-ку шинал ДР-лул ЗахIматрал ва социал иширттал министерствалул цалчинмур оьрчI бувний дулайсса арцу дуллуну дур 48529 кулпатран. 2021-ку шинал оьрчI бакъаминнан цIуллушиву дуруччаврил органнал ТФОМС-рал арцуйну бартбивгьуну бур 1290 ЭКО-лул цикл. Мукуннасса давуртту дурну дур республикалул цайми шагьрурдайгу, районнайгу, манзилданийсса маслихIатру бувну. 2021-ку шинал цивппа...
