Аьрасатнал Просвещениялул министерствалул бувсса «Об утверждении перечня документации, подготовка которой осуществляется педагогическими работниками при реализации основных общеобразовательных программ» тIисса хIукму бур учительтурая чагъардацIун дархIусса ххишаласса даву чан даву мурадрайсса.

Ванияр хьхьичI Аьрасатнал Президент Владимир Путиннул кьамул дурссия учительтурая бюрократиялул ххишаласса дишала яла рутаву мурадрай­сса закон. Закондалийн бувну, кIулшивуртту дулаврил гьанумур программа дузрайн дуккан даву мурадрай, Аьрасатнал Просвещениялул министерствалул ккаккан дан аьркинссар учительтурал дузал бан аьркинсса документациялул сияхI.
Ва приказраву бур 5 пункт ва ми зунтIиссар 2022-ку шинал дуккаврил дайдихьулий:
1) дарсирдал, учебный курсрал программа сакин дан;
2) кIулшивурттан кьиматру бишайсса журнал бачин бан;
3) (педагогтурансса) дарсирдал кьатIувсса давуртту дачин даврил журнал бачин бан;
4) тарбиялул даврил план сакин дан (педагогтурансса);
5) дуклаки оьрчIансса характеристика чичин (тIалав дурсса чIумал).
Аьрасатнал Просвещениялул министерствалул бувсса хIукмулийн бувну, кIулшивуртту дулаврил идарарттай учительтурая ва приказрайн къабагьайсса документация тIалав буллан ихтияр дакъассар.