Декабрь зурул 3-нний МахIачкъалалив «Дусшиврул къатраву» шадлугърал даражалийсса мажлис хьунни Шяраваллил хозяйствалуха зузиминнал кьинилун хас бувсса. Шикку гьуртту хьунни ДР-лул ХIукуматрал председатель Аьбдулмуслим Аьбдулмуслимов, ванал хъиривчу Нариман АьбдулмутIалибов, ДР-лул шяраваллил хозяйствалул ва продовольствиялул министр Мухтарбий Аджеков, республикалул муниципал образованиярттал ва шяраваллал хозяйствардал хъуними. Мажлис тIитIлай, Аьбдулмуслим Аьбдулмуслимовлул дур­ккунни Республикалул БакIчи Сергей Меликовлул чулухасса барча баву....

Декабрь зурул 4-нний оьрмулул 92 шинаву дунияллия лавгсса паччахIлугърал ва политикалул ишккакку, ЗахIматрал Виричу, Дагъусттаннал ПаччахIлугърал Советрал экс-председатель МахIаммадаьли МахIаммадов ларгсса итникьини увччунни буттал шяраву Лаващав. Декабрь зурул 5-мур кьини республикалий дя­гъулул кьинину баянгу бувна. ЧIярусса шиннардий Да­гъусттаннал хъунаману ивкIсса ванал бивкIулул кьурчIишиву кIидачIлачIисса аьпалул махъру увкунни Аьрасатнал ва Дагъусттаннал хъуниминналгу. – Лавгунни дунияллия Па­ччахIлугърал...

ДР-лул Халкьуннал Мажлисрал председатель Заур Аскандаровлул Ккуллал райондалул «Хъювхъиял ООО-багъ» идаралул классирттал учительница Мариян Загьидиеван чIярусса шиннардий дарсру дихьлай бивхьусса захIматрахлу ва жяматийсса иширттавухсса чялиш­сса гьурттушиннарахлу дуллунни Халкьуннал Мажлисрал председательнал цIанийсса ссят ва Барчаллагьрал чагъар. Спикернал, учительница барчагу бувну, чIа увкунни оьрмулуву цIуллу-цIакьшиву ва давриву хьхьичIуннайшиву.

Вай гьантрай ххаллилсса педагог, КIамахъаллал шяраватусса МахIаммадлул душ ПатIимат Айгуновал кIицI ларгунни оьрмулул 70 шинал юбилей. Миннува сайки 50 шин хас дурну дур оьрчIру тарбия баврин ва миннан кIулшивуртту дулаврин. Сангардал школалий лакку мазрал дарсру дихьлай, ПатIимат хъунмасса захIмат бихьлай бу­ссар дуклаки оьрчIру мазгу, миллатгу ххирану тарбия бан. Ванил хIурмат хъунмасса бур Сангардал школалул учительтурал...

Москавлив Литератортурал централ къатраву (ЦДЛ) хьунни Дагъусттаннал Чичултрал союзрал хъунама, Дагъусттаннал поэзиялул театрданул каялувчи, Дагъусттаннал халкьуннал шаэр МахIаммад АхIмадовлул творчествалул мажлис. Мажлисрал дайдихьу дуллалисса махъ лахълай, Аьрасатнал Чичултрал союзрал правлениялул председатель Николай Ивановлул МахIаммад АхIмадовлун пишкаш бунни союзрал лишаннащалсса бейсболка ва футболка. Халкьуннал шаэр барча уллалисса ихтилатру бунни Аьрасатнал Чичултрал союзрал секретарь Геннадий Ивановлул, «Жагьилсса...

Вай гьантрай ттун, ца ттула гьалмахчунащал, массажистначIан гьан багьуна. Ва КIамахъаллал шяраватусса лаккучув Аьбдуллаев Аьбдул ур. Ванал идаралий лархъун дур «Медиум» – альтернативный медициналул центр» тIисса чичру. Нава Редукторный поселокрай яхъанай унугу, ва центр ци давриха зузиссарив ттун къакIулссия. Шивува бия, гирудотерапия тIий, пиявкарттай хъин буллалисса кIанугу. Аьбдуллущал кIулгу хьуну, уртту-щинал чяйлухун жул дянив хьуна...

«Гагаринхъул бувкIунни» Вай космонавтътурал сурат – ттул архивравусса реликвияр. Ттун хъунмасса бахтти хьуссар укун бюхттулсса инсантурал чIарав ацIан, вайннащал ца гьава бюкьлан, вайннал хьхьичIун концертращал уккан. Жу вайнная пахрулий, вайннаха лащанмур буллай бикIайссияв, вайннан произведенияртту хас буллай. Вайннал космосравунсса гьарцагу гьаз шаву – му хъуннасса нигьачIинная, державалул бюхттулшиврул ва ванил инсантурал агьамшиврул ххуллийсса риск-я. ЦимурцаннуцIун,...