Июльданул 26-нний, Дагъусттан Республикалул Конституциялул Кьини, Региондалул бакIчи Сергей Меликовлул дуллунни паччахIлугърал наградартту. Вай дуллуминнавух бур чIявусса оьрчI-бакI бусса нину-ппу, духтуртал, учительтал, промышленниктал, аьралитал, культуралул зузалт ва цаймигу. БавтIми барча бувну махъ Сергей Меликовлул куна: – 30 шинал хьхьичI Гьанумур закондалул баян бувссар яла лавайми даражалул ххазинарттуну хъанай бушиву дагъусттанлувтурал ихтиярду ва тархъаншиву, ккаккан дурссар...

Гъумучиял бяр (Ханнал-Бяр) Лакку билаятрал ца яла машгьурсса ва ххазинасса объектну ккаллину бивкIссар мудангу. Шичча ца эмаратну чIалай буссар ВацIилу-Зунтту, муниха буклакисса бургъил чанна лахъан бувсса БурхIай-Къала – ва сурат цал ккаркма, макьнатIисрал куна, кIункIу уллай уссар шиккун. Цукун яргсса суратирттал ларсун най дур соцсетьру?! Ци чIумал бакIрайн агьарчагу, къахьунтIиссар вища Гъумучиял бярних бивтсса яруннил...

Шагьимардан Акниев увссар 1914-ку шинал Гъумук. Арулва классгу къуртал бувну, увхссар кIиккувасса Лакрал Педтехникумравун. Вагу къуртал бувну, зий ивкIссар ГьунчIукьатIрал школалий учительну, Гъумучиял дянивмур даражалул школалий, ялагу зий ивкIссар Педтехникумраву. Шагьимардан Акниевлул цIа халкьуннавух машгьур хьуссар макьанну ляхъан дувуну – самодеятельный композиторну ва шаэр хIисаврай. Музыкалухагу, литературалухагу зий хъунмасса хIал гьарчагу, печатьрай бивщусса балайрду, шеърирду...

Аьрщи щарай дур 25 шинал хьхьичI, 1999 шинал, хар-хавар бакъа ЦIуссалакрал райондалийн дунияллул террористътурал кьюкьри ххярхсса тарихрал иширан хасну кказитрай рирщусса язи язими макьалартту. Вана тти дяъви лакрачIангу бивну. Цавайннал, дяъви ЦIусса­лаккуйн ххявххун байбишин­сса ххива, учай, гайминнал, дяъви ЦIу­ссалаккуй 2-3 шинал хьхьичIва, тайминнал – 78 шинал хьхьичIва хьун бюхъайссия, учай. Бур хIатта ва иш дяъвилийну...

Июльданул 24-нний «Дагестан» РИА-лий хьунни Дагъусттан Республикалул туризмрал ва халкьуннал художествалул промыслирдал министрнал хъиривма МахIаммад ХIабибуллаевлул пресс-конференция. Ванийсса ихтилатру хъунмурчIин хьунни республикалий турисътал кьамул баврицIун дархIусса даву «ххютула «чаннайн» дуккан давриясса, ва давриву низам дишавриясса, яни туризмрал «легализациялиясса». Ва отрасльдануву низам дишаврия гъалгъа тIий, ва кьинисса хъамаличувнал бувчIин бувна ихтилат хьхьичIва-хьхьичI бушиву «ххютулусса» гостиницарду ва...

Августрал 18-нний МахIачкъалалив хьунтIиссар «Атлетика забег – 2024» полумарафон. «Дагестан» РИА-лий хьусса пресс-конференциялий бувсунни ванил сакиншинначитал Сяид Жяъпаровлул ва Алексей Долгихлул. Вайннал тIимунийну, полумарафондалул ххуллу хьунтIий бур шагьрулул туристътурал кIанттурдайх. Шикку бикIан тIий бур чIявусса хъамалгу. Полумарафондалул дайдихьу ва дайлитIу хьунтIиссар МахIачкъалаллал хъунмур майданнив. Хъунмур ххуллул лечаврил манзил бикIантIиссар 21,1 километра. Амма гьурттучитураща бюхъантIиссар язи...

Июльданул 22-нний оьрмулул 85 шинал юбилей кIицI ларгунни СССР-данул цIуллу-сагъшиву дуруччаврил отличник, ДАССР-данул лайкь хьусса провизор, лаваймур даражалул провизор, Шахьуйннал шяравасса Кандаев Чавтара Аьбдуллул арснал. Увну ур Чавтара 1939-ку шинал Украиннай Харьков шагьрулий, Шахьуватусса Аьбдуллул (Аьбдулкаримлул) ва БатIил кулпатраву. Гай шиннардий Харьков шагьрулий ялапар хъанай Шахьуйннал шяравасса 25-нния ливчусса кулпатру бивкIун бур. Буттал кIанттул цIанийсса...

Шин дайдирхьуния шиннай чIявусса квартирарду бусса къатраву аьмсса хъуслил капитальный ремонт дайсса Дагъусттаннал фондрал гьарца зуруй дулун аьркинсса капитальный ремонтрахсса взносру къадуллай буржру хьусса квартирардал заллухъруннал хIакъираву 11 азарунния ливчусса искру щаллу бувну бур. Судрайн дуллусса яла чIя­руми материаллу дур МахIач­къалаливсса, Каспийскалийсса, Дарбантливсса ва цаймигу шагьрурдайсса чIяру зивурду дусса къатравусса квартирардал заллухъруннал хIакъиравусса. Цинявппагу аьрзардайн...

Дагъусттаннал гуманитар институтраву хьунни зунттал душварал лаххиялун хас бувсса «Одежда горянки» тIисса ккуркки стол. Мероприятиялул дайдихьу дуллалисса махъ лахълай, ректор НухIкьади БахIмудкьадиевлул увкуна: «Жува ихтиярдал билаятрай яхъанай буру. Жунна дин дуван къадагъа дуллалисса акъар. МуницIухва жува, Аьрасатнал ялапарлувтал хIисаврай, цIакь дурсса законну кьамул дуллан аьркинссару. Цуксса хIайпнугу, жува бардултру, динийсса кьиматрайсса ххазинарду цалва мурадру дузрайн...

Вай гьантрай Хасавюртуллал азарханалийн ттула иширай бувкIсса ппурттуву, ца лахIзалий бувхссияв Кулпатирттал цIуллушиву дуруччаврил центрданул отделениялул хъунама хIакин Зайнуллагь Мирзоевлущал маслихIат ккаккан. Муданна кунна, ва кьинигу ванал кабинетрал нузру дия тIиртIуну. На ялун бивра, азарханалул каялувчитал, медиктал ва ванал дустал лагма лавгун, 70 шинал юбилей Зайнуллагь Нуруллагьовичлухь барча дуллалисса кIанттайн. Бусравсса хIакин барча ан бувкIун...