Кумиял шяравасса, 42 шинал оьрмулувусса Арслан Аьлибуттаевлул чирчунни Аьрасатнал ярагъуннил гужирдал кьюкьраву аьралий къуллугъ буллансса контракт.
Цувагу вай гьантрай гьан тIий ур хасъсса аьралий операция нанисса кIанттайн Ватандалул мурадру буручлан.
Талаталащал хьунабавкьунни Лакрал райондалул бакIчинал хъиривчу Явсупи ХIамзаев ва Лакрал ва Ккуллал районнал аьралий комиссар ХIасан Масуев.
Явсупи ХIамзаевлул кIицI лавгунни, Арсланнул тIайласса хIукму бувну бушиву, чIа увкунни ванан Зал архIалсса ххуллу, ччясса мутталий аьралий операциягу къуртал хьуну, махъунай зана ивкIсса кьини дучIаннав, куну.
Шиккува дакIнийн бутан, щала Аьрасатнаву най дур контрактрай аьралий къуллугъ буллансса чиваркI кьамул буллалисса кампания. Дагъусттаннай контракт чирчусса чиваркIуннан булун ккаккан бувну бур ца миллион къурушрал: 500 азарда къуруш республикалул бюджетрава, 400 азарда къуруш – федерал бюджетрава, 100 азарда къуруш – цивппа ялапар хъанахъисса кIанттая.
