Республикалий яла жагьилма министр ХIакьину Дагъусттаннай яла жагьилма министрну ур жула лакрал лайкьсса вакил Рамазаннул арс Камил Саидов. Яла жагьилма министр зий ур жагьилтурал министрну – ххуйрихха! Ва къуллугъ бачин бувну Камиллул гьашину ххюра шингу хъанай дур. Ванан цаннагу ч1ал къархьуну хьунт1ий дур 35 шин – вагу хъиннува ххуйри! Учин бюхъанссар, хIакьину ванал республикалул жагьилтуращалсса...
МахIачкъала шагьрулул мэрнал баян бунни байбихьулул классирттаву дуклакисса оьрчIру гъилисса дукралул дузал баврил масъаларттацIун дархIусса «Горячая линия» тIиртIушиву. Салман Дадаевлул цалла Телеграмм каналданийхчингу баян бунни вай масъаларттал хIакъиравусса «Горячая линия» тIиртIушиву. Шагьрулул мэрнал бусаврийн бувну, администрациялийн букIлай бивкIун бур рязи бакъасса нитти-буттал чулухасса чIявусса аьрзри. Байбихьулул классирттаву оьрчIру гъилисса дукралул дузал баврил масъаларттал хIакъираву оьвчин...
Апрель зурул 26-нний хьунни хьхьичIунсса ишккаккултрал, лайкьсса инсантурал цIарду, мукунма тарихрал ишру абад баврил Дагъусттаннал БакIчиначIасса комиссиялул заседание. Заседание дачин дурну ия Дагъусттаннал ХIукуматрал Председательнал хъиривчу Муслим Телякавов. Шикку гьаз бунни МахIачкъалаллал школалун Аьрасатнал Виричу НурмахIаммад ХIажимахIаммадовлул цIа дулаврил масъала. Виричунал цIа дулун тIий бур ва дуклай ивкIсса 42-мур школалун. Комиссиялувусса цинявппа рязи хьунни ва...
Апрельданул 22-нний МахIачкъалалив АьФ-лул ХIукуматрал Председательнал хъиривчу Александр Новаклул ва Дагъусттаннал БакIчи Сергей Меликовлул каялувшиврий хьунни регион газрал дузал баврил хIакъиравусса батIаву. Мурадлувсса идарарттал вакилтуращалсса батIаврий бувсунни Дагъусттан газрал дузал баврил Программалул лагрулуву дуван най бушиву сайки 2 азарда километраксса газрал сетьру, газрал дузал дувантIий бушиву сайки 200 шяравалу. «Мукунна бартдигьлайнна дур ттигу догазификациялул программа....
Апрельданул 25-нний хьунни Дагъусттаннал экономикалул лябуккулул цалий бацIаву цIакь даврил хIакъиравусса Оператив штабрал батIаву. Муний махъ лавхъунни республикалул цалчинма вице-премьер Руслан Аьлиевлул. Мунал тIимунийну, Аьрасатнал ХIукуматрал гьарта-гьарза бувну бур хъузалтрацIунсса кабакьу. Му бур цIанасса ппурттуву хъуру дугьайни хъуннасса агьамшиву дусса иш. Федерал даражалий ккаккан дурну дур къама, ххяххангу бувну, багу баххансса харжлугърал дачIи лахъансса 10...
Апрельданул 27-нний Дагъусттаннал БакIчи Сергей Меликовлул дунни Дагъусттан Республикалий аьдлу-низам дуруччаврил Координациялул совещаниялул батIаву. Ххал бигьлагьисса масъаларттавух бия балугъравун къабивми криминал иширттаща буруччаврил ва ми бавкку ххуллурдайн буккаврил хьхьичIалу кьукьинсса чараннал хIакъиравуссагу. Му даву дуллай бур «Аьрасатнал Федерациялий 2025-ку шинайннин экстремизмалийн къарши буккаврил стратегия» бартдигьаврил лагрулувусса дуккаврил ва жагьилтурал политикалул аралуву. Му мурадрай республикалий, кьамулгу...
Гъумук Халкьуннал паркрал лултту чулийсса оьрчIал багъ чIярусса шиннардий чIявусса чIивитIухъул тарбия бувсса, оьрмулул цалчинсса тIитIалардайн ми буцлацисса, бусравсса тарбиячитал, аякьачитал зий бивкIсса ва цIанагу зузисса идара бур. Шиная шинайн багъран аьркинмур дузал дан, оьрчIан ххуйсса шартIру сакин дан хIарачат буллай бикIайва райондалий, чIарав бацIайва каши дусса миллатрал вакилталгу. Хаснува, мунил ялув чялиш увкнувасса ур...
Апрельданул 19-нний ДР-лул Халкьуннал Мажлисрал председательнал хъиривчу Камил Давдиев хьунаавкьунни Украинная бувкIсса кулпатращал. Дяъвилул хасъсса операция байбишин хьхьичI Романовхъал кулпат мяйра шинавусса душнищал бигьалаглай бивкIун бур Туркнаву. Украиннал аьрщарай дяъвилул ишру щиривкIусса ппурттуву вайннал кулпатрал хIукму бувну бур Киеврайн зана къабикIан. Дмитрийл бусаврийн бувну, Дагъусттаннайн ва хьхьичIавагу увкIун ивкIун ур. Шикку караматсса тIабиаьтгу, дакI-аьмал хъинсса,...
Уттигъанну цала оьрмулул 75 шинал юбилей кIицI ларгунни Аьлиттаттал арс Оьмаров Забиюллагьлул. Цала жяматрал дянивгу, щалагу Къизлардал шагьрулул ва райондалул лагрулийгу ванал цIа мудангу хIурматрай зумух ласайсса цIа дур. Му кьадру-кьимат хIалалгу бувну бур ванал цала оьрмулуву бартбигьлай ивкIсса хъин-хъинсса мурадирттайну, иширттайну, дугърисса ва ас-намус ххисса хасиятрайну, инсаншиврул ххуллу-ххуттайну. Увну ур Забиюллагь 1947-кусса шинал Къяннал...
Вай гьантрай Хасавюртлив, Аграрно-экономический колледжраву, хьунни террорданийн къаршисса жагьилтурал форум. Ва сакин дурну дия Дагъусттаннал Террорданийн къаршисса комиссиялул аппаратрал ва Хасавюртуллал администрациялул. Форумрал мурад бия ялун нанисса ник терроризмалул ва экстремизмалул идеологиялия арх даву. Мероприятиялий гьуртту хьунни Хасавюртуллал бакIчи Хъуругъли Хъуругълиев, Дагъусттаннал БакIчинал кумагчи, Ухссавнил округрайсса Дагъусттаннал Террорданийн къаршисса комиссиялул аппаратрал вакил Карим Бадруттинов, ДР-лул...
