МахIачкъала шагьрулул мэрнал баян бунни байбихьулул классирттаву дуклакисса оьрчIру гъилисса дукралул дузал баврил масъаларттацIун дархIусса «Горячая линия» тIиртIушиву.
Салман Дадаевлул цалла Телеграмм каналданийхчингу баян бунни вай масъаларттал хIакъиравусса «Горячая линия» тIиртIушиву.
Шагьрулул мэрнал бусаврийн бувну, администрациялийн букIлай бивкIун бур рязи бакъасса нитти-буттал чулухасса чIявусса аьрзри.
Байбихьулул классирттаву оьрчIру гъилисса дукралул дузал баврил масъаларттал хIакъираву оьвчин бюхъайссар «Горячая линиялул» ва номерданийн: 8-800-101-03-04. Ва зий дайдирхьуссар апрель зурул 27-нния шиннай.
Цинявппагу агьалинал гьаз бувсса масъалартту ххал бигьлантIиссар гьарцагу зузи кьинилул ахирданий, шагьрулул КIулшивуртту дулаврил управлениелий.
Мэрнал хъиривчу Эмилия Раджабовал каялувшиндарайсса шагьрулул штабрал дачин дурну дуссар цинявппагу дуккаврил идарартту ххал бигьлагьисса давуртту. Штабравун бухлай буссар нину-ппугу.
