Лакрал райондалул администрациялул актовый залдануву хьунни цIусса дуккаврил шинацIунсса кIулшиву дулаврил зузалтрал аьдатсса августовское совещание. Ваний гьуртту хьунни райондалул бакIчи Юсуп МахIаммадов, ванал хъиривчу Явсупи ХIамзаев, КIулшиву дулаврил управлениялул каялувчи Муртазали Аьлишаев, кIулшиву дулаврил идарарттал каялувчитал, учительтал, тарбиячитал. Юсуп МахIаммадовлул тIайлабацIу чIа увкунни кIулшиву дулаврил зузалтран цIусса дуккаврил шинаву. КIицI лавгунни райондалул оьрмулуву кIулшиву дулаву...

Вай ларгсса бигьалагай кьинирдай ГьунчIукьатIрал шяравун нанисса машинарттал ва инсантурал хIисав-ккал дуван бигьа-бигьану къахьунссия. Шикку, личIи-личIисса кIанттурдая бувкIсса гьунчIукьатIигу, вайннал дусталгу гьурттуну, дуллай бия Шяраваллил кьини. Укунсса батIавурттал яла хъуннамур ххуйшивугу дикIай зурдардий, шиннардий къаккаклакими ккаккаву, куннан кув къакIулми кIул шаву. Ва ялагу, укунсса мажлисру анжагъ дуркуну, хIарчIун, тяхъашиву дурну щаллу къашавугу дур ца цамургу...

Гъумук хьунни Буттал кIанттул цIанийсса Хъун дяъвилий Ххувшаву ларсун 80 шинан хас бувсса «Аьпалул вахта». Муний гьуртту хьунни Лакрал райондалул бакIчи Юсуп МахIаммадов, ДР-лул Халкьуннал Мажлисрал депутат Марат Илиясов, Афганнал дяъвилул ветерантал, хIакьину хасъсса аьралий операциялий гьуртту хъанахъисса аьралийтал, чIавааьралийтал, райондалул идарарттал зузалт. «Аьпалул вахта» байбивхьунни Буттал кIанттул цIанийсса Хъун дяъвилия зана къавхьуминнан дацIан дурсса...

Лакрал райондалул бакIчи Юсуп МахIаммадов Кьубиял шяраваллил бакIчи Артур МахIаммадовлущал ивунни хасъсса аьралий операциялул гьурттучи Оьмар Дусилаевлул нитти-буттачIан. Райондалул бакIчинащалсса ихтилатраву аьралийчунал ни­ттил Анисатлул бувсунни Оьмардуя: танал къучагъшиврия, хIакьину жула щала билаятрал агьали тIайламунихлу талай бушиврийн вихну ушиврия. Бу­ттал Дивирдулгу дакIнин дирчунни арснал хасиятрал язи-язими лишанну. ДакI дарцIуну ия ппу арс хIакьину хIакьсса чувнал бан...

Гъази-Гъумучиял музейрава­сса ­репортаж хIисаврай Ххюлуссуннал шяравалу дур 1880 метралул бюхттулшиврий, Лакрал райондалул ца яла ххуймур кIанттай, ЧIурттащату Буршайнсса ххуллул дянив. Ххюлусмав 1886 шинал диркIссар 116 тIюва, 12 чу, 34 ттукку, 350 лухIи гъаттара, 1500 хIайван. Шяраву 1914 шинал ивкIссар 665 инсан. Ххюлуссуннал 109-нная ливчусса чиваркI лавгссар Буттал кIанттул цIанийсса Хъун дяъвилийн, миннава чIявуми лавгссар хушрай....

ЦIуссалакрал райондалий Ххувшаврил байрандалун хас дурсса мероприятиярттал лагрулий дайдирхьунни «Аьпалул багъ» тIисса, Украиннал аьрщарай нанисса хасъсса аьралий операциялий чувшиврий жанну дуллуминнал аьпалунсса акция. Ванил лагрулий ЦIуссалакрал шяравун бухлахисса кIанттай ссуттихунмай бувгьусса «Аьпалул багъравусса» мурхьру цукун ххяхлай бурив, ягу цIусса бугьан багьлай бурив ххал бунни ЦIуссалакрал райондалул бакIчинал цалчинма хъиривчу Султан ХIамзаевлул, райондалул Мажлисрал депутат Артур...

Гъумучиял Культуралул центрданул ва библиотекалул коллективрал сакин дурну ГьунчIукьатIув хьунни «Навруз-байрам» – Интнил хьхьу. Ва хьунни «Творчествалул десант» проектрал лагрулий. Интнил хьхьунил байран хьуна ГьунчIукьатIрал шяраваллил Культуралул къатрал хьхьичIсса майданнив. Ваний гьуртту хьуна райондалул культуралул идарарттал ва библиотекарттал зузалт, лагма щархъаясса инсантал. Шадлугъ дачин дурну ия Гъумучиял Культуралул центр­данул художествалул каялувчи АьлихIажи Щамхалов. Ванал, мажлис...

ТтурчIайнна-Зунтту чIявусса иширттайну тарихравун бувхссар. Цикссагу дяъвирдал барачи хьуссар. Ккаркссар дяъвилул къизгъиншиву Надир-шагьнал ва Хан-Муртазааьлил заманнайра. Туркнал ва Ираннал аьраллу ххяхлай, лакращал ТтурчIайнна-Зунттуй хьуссар питнарду. Ва зунттуй тамансса оь экьибувтIуссар. ТтурчIиял агьалиналгу цикссагу зулмурду бувхIуссар, амма щилчIав ва ссалчIав хьхьичI бакI лахIан къадурссар. Усттарну, чувшиву ххи хьуну бувкссар цикссагу оьсса лахIзардава. Къавхьуссар щищачIав ТтурчIиял инсанталгу...

Гъумук зий байбивхьуну бур дяшяравух ххисса щинаххуллу буклай, цил кумаграйхчил агьалинан диял хьунуксса щин дузал дан бюхъансса. Ялун ххисса щинаххуллу буклай бур судрал къатрачIату, райондалул администрациялул къатрачIан бияннин. Шичча щин дуцин бюхъан тIий бур бухмур щинаххуллийнгу. Бухмур щинаххуллул турбарду зия хъанай, кIинттул чIумал тIурча, щин микIлачIлай, агьали азурда хъанай бивкIун бур. ЦIусса щинаххуллу буккаврийну къулай...

Ххуллурду оьрмулул (аьрщарал) туннурду тIисса дюрхъусса лащан баву хьхьичI щил бакIравун дурхссарив къакIулли. Мяйжаннугу, лавхьхьунугу бикIай ххуллурду аьрщарал туннурдаха, хаснува архния ва лахъния бурувгсса чIумал. Ялун бурувгсса лащаву дакъа, вай ххуллурдайх инсаннал оьрмулун чара бакъа аьркинмургу щаллу хъанай дур, инсаннал туннурдавух оьрмулун чара бакъа аьркинсса оьтту щурущисса кунма. Туннурдаха лавхьхьусса бур аьраххуллия КIундив гьаз хьуну...