Лакрал райондалул бакIчи Юсуп МахIаммадов Кьубиял шяраваллил бакIчи Артур МахIаммадовлущал ивунни хасъсса аьралий операциялул гьурттучи Оьмар Дусилаевлул нитти-буттачIан.

Райондалул бакIчинащалсса ихтилатраву аьралийчунал ни­ттил Анисатлул бувсунни Оьмардуя: танал къучагъшиврия, хIакьину жула щала билаятрал агьали тIайламунихлу талай бушиврийн вихну ушиврия. Бу­ттал Дивирдулгу дакIнин дирчунни арснал хасиятрал язи-язими лишанну. ДакI дарцIуну ия ппу арс хIакьину хIакьсса чувнал бан аьркинмур буллай ушиврий.
– Ватандалул мурадру буруччаврил ххуллий талатисса цума-цагу аьскарнал кулпат – му жула аьмсса къинттар. Вайннан кIулну бикIан аьркинссар райондалул бакI дургьуми цала чIарав бушиву. На даингу хIадурну уссара жула аьралийтурал кулпатирттан кумаг бан, – увкунни Юсуп МахIаммадовлул цаламур ихтилатраву.

Зулайхат Тахакьаева