Уттигъанну МахIач­къа­лалив хьунни ка дишаврил (армрестлинграл) тIиртIусса турнир. Турнирданий, кIира категориялул кIушиврий ччалли увккун, кIилчинсса кIанттурду бувгьунни Ккурккуллал шяравасса Бахтияр ХIамзатовлул. Бахтиярдул уттинингу цикссагу ххувшавуртту ларсъссар ва журалул спортрал бяст-ччаллаву. Мукьийла Дагъус­ттаннал чемпион хьуну, Аьрасатнал чемпионатирттай гьуртту хьун лавгссар. «Кубок дружбы Калмыкии» цIанилусса щалагу Аьра­сатнал турнирданий, спортрал мастернал нормативрду дуллуну, Бахтиярдул бувгьу­ссия цалчинсса кIану. Мукуна,...

ЦIусса шинал январь зурул 4-7-нний Нальчик шагьрулий хьунни Аьрасатнал Артийский комитетрал сакин дурсса «Таланты Евразии» тIисса Дунияллул халкьуннал дянивсса VII-мур конкурс. Шикку гьуртту хьунни Аьрасатнал ва дунияллул билаятирттаясса ансамбльлу. Дагъусттаннал чулуха конкурсрай гьур­тту хьуну, хьхьичIунсса кIану бувгьунни «Эдельвейс» тIисса ЦIуссалакрал райондалул хореографиялул ансамбльданул. Вайннал ккаккан дунни цинявннавун гьавас бутлатисса да­гъусттаннал къавтIавуртту. «Мой Дагестан» тIисса къавтIаврил...

Ялату ларгсса шин Хьурттал шяравасса Ттатта Бариевлун дакIний личIантIиссар Самарскаллал областьрай Тольятти шагьрулий хьусса Аьрасатнал пенсионертурал VII Спартакиадалий цалла ларсъсса ххувшаврийну. Ва хьуссар федерал лагрулул 3-мур этап. Ваниннин тIурча, хьуссар муниципал ва региондалул даражалулми этапру. Уттигъанну­нин куна Ттатта зий уссия МахIач­къалаливсса А.Е. Карповлул цIанийсса шахматир­ттал школалий, махъа нанисса оьрчIаву шахматирттахсса ччаву ххишала дуллай. Спартакиадалий бивкIссар...

Уттигъанну МахIачкъалалив Республикалул Художниктурал союзраву тIиртIунни «Дагъусттаннал щаращив» тIисса цIанилусса выставка. Ва хъанахъиссар Республикалул «Самородки» цIанилусса проектрал лагрулий дуллалисса цайнува цивппа хьусса художниктурал выставка. Ва сакин дурну дия Респуб­ликалул Культуралул министерствалул ва Халкьуннал творчествалул къатлул, Республикалул Художниктурал союзрал гьур­ттушиврийну ва Аьрасатнал Халкьуннал культуралул ирсирал шинал лагрулий. Ккаккиялун дирхьуну дия цайнува цивппа хьусса 37 художникнал дирхьусса...

Армиялий къуллугъ бувну махъ ттун зун багьуна Ккуллал райкомрал комсомолданул давурттай. Шикку зий ттул хьуна 6 шин. Махъра-махъмур шинал на зий уссияв цалчинма секретарьнахлу. Му ппурттуву Ккуллал райкомпартиялул 1-ма секретарьну ивтуна жагьилсса зузала, Аьвдуразакьлул арс Абакаров Рапи. Ттул оьрмулул шиннардий къабучIину бия комсомолданий зун. Оьвкуну цачIанма, Рапинал ттухь цIувххуна, чув, ци даврий зун ччай ура...

ЦIанасса чIумал билаятрайгу, республикалийгу агьамсса масъалану хъанай бур Украиннавусса хасъсса аьралий операция. Жула щархъая контрактниктал ва мобилизациялул хьун бувсса чиваркI гьурттушиву дуллай бур Украиннаву. МобилизациялуцIун ва цайми-цаймигу масъаларттацIун дархIусса даврий ур Ккуллал администрациялул бакIчинал хъиривчуну зузисса, Хъусращиял шяравасса Сулайманнул арс Анатолий Давдиев. Буттал шяраву школагу къуртал бувну, ва дуклан увххун ур МахIачкъалалив Шяраваллил хозяйствалул институтравун....

ЦIушинал байрандалул бигьалагай гьантри мюнпатну гьан буван, лечин, турникирттайн гьаз хьун, спортрал бяст-ччаллил тIуркIурдаву гьуртту хьун, лакрал жагьилтал январь зурул арулунний Тарки зунттуйн бувккун бия. Ккуллал райондалул жагьилтурал ккурандалул (ДРОО-лул) хъунама Гуйдалаев АьбдурахIман ия ва даврил сиптачи. Спортрал тIуркIурдал чарслул дайдихьу Тарки зунттуйн лечавриясса дия, лечин увккун ия гъира бума, карчI дакъама. Гьуртту хьуна Ккуллал...