Буттал кIанттул цIанийсса Хъунмасса дяъви байбивхьуну 82 шин хъанай дур. Лакраву ва дяъвилул щавщи къабивсса кулпат нажагьссавагу бушиву къакIулли. Дяъвилийн ца кулпатрава кIи-кIия, шан-шама жагьил лавгссагу къачансса хьуну бур. Вайннавух Лакрал райондалийсса КIундиннал шяравасса ХIажи ва Щаза Абачараевхъал кулпатгу хIисав хъанай бур: душманнащал талан шамагу арс – ОьмархIажи, ЩайхахIмад ва Сайпуллагь, лавгун ур. Дяъви байбишайхту...
ГьунчIукьатIрал жяматрал арсурваврал ххаллилсса кьюкьлувасса цаннан, Маллижал ХIамидлул арс Кьурбан АхIмадовлун, вай гьантрай хьунтIиссия 80 шин. Дуккаврил бикIу, иширттал бикIу, гьарца чулуха итххявхсса инсан, ххаллилсса учитель, ттулгу цIакьсса дусну ивкIсса Кьурбаннул аьпа баннав тIий, дакIнийн утлай, чичлай ура вай ххару. 1961 шинал мусил медальданущал школагу къуртал бувну, Кьурбан увхссар Москавуллал инженерно-физический институтравун. Ххювардай мугу къуртал...
Вай гьантрай, Дагъусттаннал БакIчи Сергей Меликовлул тапшур бувну, Лакрал райондалийн увкIунни ДР-лул шяраваллил хозяйствалул министрнал хъиривчу Зураб Куччаев. Июнь зурул 18-нний ларчIсса гъараллал ва бивчусса чIакрал цаппара зунттал районнай зарал биян бунни социал объектирдан ва ххуллурдан, мукунма хъунмасса зарал бивунни хъу-лухччинун. Зураб Куччаевлул, райондалул ОСХ-лул ва экономикалул отделданул хъунама Макьсуд Кьадиевлущал, граждан обороналул ва ЧС-рал...
Москавлив июньдалул 16-нний хьусса Аьрасатнал Федерациялул Муниципал сакиншиннардал органнал союзрал Координационный советрал батIаврий гьуртту хьунни МахIачкъалаллал Шагьрулул мажлисрал председатель Марис Илиясов. [dropcap]З[/dropcap]аседаниялий ххал бивгьунни Аьрасатнал Федерациялийсса кIанттул цила каялувшиндарал гихунмайсса ххуллу-хха, дурмур ва дуванмур. Микку гьурттучитал цинявппагу рязину Марис Илиясов цIунилгу увчIунни Аьрасатнал Федерациялул Муниципал сакиншиннардал представительный органнал союзрал председательнал хъиривчувну ва Союзрал Координационный советрал...
Дагъусттаннал паччахIлугърал опералул ва балетрал театр хIадур хъанай бур Расул ХIамзатовлул «Буруччара ниттихъул» тIисса поэмалийн бувну сакин бувсса вокалданул ва хореографиялул спектакль бишин. Театр ва даву щаллу дуллай бур «Творчествалул инсантал» тIисса цIанилусса федерал проектрал лагрулий «Аьрасатнал культуралул фонд» ООГО-лул грантрацIух. Спектакль хIадур баву дархIуну дур Дагъусттаннал халкьуннал шаэр Расул ХIамзатовлун 100 шин шаврил таварихрацIун....
СуцIурдища бурувччуну бикIира Цуппа чIивинугу, суцIлил биян буллалисса зараллу биялсса бур – инсантурангу, ятту-гъаттарангу. Мунияту, ххину-ххишалану мугъаятну бикIан аьркинссар мяйра ччан ду оьттухIачIуя. Мюрщи вампирду Цияра суцIлия нигьачIишиву дакъанугу, ва хъанахъиссар инсаннал цIуллу-сагъшиврун нигьачIишиву дусса вирусру лахъан дувуну. Ччай-къаччай, оьттувун дагьсса вирус сававну инсан инжит хьун бюхъайссар. Ва ишираву мюрщи оьрчIан хъиннура хъуннасса нигьачIаву дуссар....
В День памяти и скорби, в центральном парке села Карабудахкент прошло мероприятие, посвященное этой трагической дате. В мероприятии приняли участие депутат Народного Собрания РД Магомед Магомедов, глава Карабудахкентского района Махмуд Амиралиев, представители социальных и культурных учреждений райцентра, учителя и учащиеся школ поселения.
Аьрасатнал кьини «На – аьрасатлувра» акциялул лагрулий Республикалул БакIчинал сипталийну хасъсса аьралий операциялий жанну дуллусса аьралитурал аьпа абад буллалисса ултти лархъунни. Хъусращиял шяраваллил школалул чIирайнгу лархъунни ЦIимпаев Аьли Муртазааьлил арснал аьпа абад буллалисса мармарчарил ула. Украиннаву хасъсса аьралий операция байбивхьусса гьантрайва прапорщик ЦIимпаев уссия ЛНР-лул ва ДНР-лул аьрщарай аьраличунал бурж биттур буллай. Сладкое цIанилусса пунктрачIа...
Аьрасатнал кьинилул байрандалуцIун дархIусса мероприятиярттал лагрулий июнь зурул 9-нний В. Макаровал цIанийсса «Музей боевой славы» тIисса музейраву тIиртIунни «Герои и подвиги» тIисса ккаккия. Цувгу цIа куну дур хасъсса аьралий операциялий чувшиврий жанну дуллуминнан ва хIакьинугу тикку талатиминнан. Ккаккиялий дирхьуну дур Украиннал аьрщарай нанисса хасъсса аьралий операциялий ватандалул ххуллий чувшиврий жанну дуллуминнал кулпатирттал архиврдавасса суратру, аьраясса...
Хъамал кIул хьунни Республикалул туннурдал центрданул даврищал. Лавайсса кьиматрай кIицI ларгунни коллективирттал саргъунсса даву, хаснура Республикалул ва МахIачкъала шагьрулул клинический азарханардал, Дагъусттаннал кардиологиялул ва къюкIлил ва туннурдал хирургиялул центрданул даву. «Дагъусттаннай чан хьунни оьттул туннурдал цIуцIавуртту сававну инсантал литIавуртту. Так ца СКФО-лий бакъасса, щала билаятрай хьхьичIун бувккунни ми цIуцIавуртту хъин давриву. Жуща бювхъунни COVID-19 цIуцIаврия...
