Кказитрай хьхьичIвагу чивчусса куццуй, цIанасса чIумал Дагъусттан Республикалул Художниктурал союзраву тIиртIуну дур жула лакрал ва Дагъусттаннал ххаллилсса художник Ажу Къячаевлул «СТАФФАЖу» цIанилусса выставка. Вай гьантрай художникнал цаллалусса выставка ккаккан бувкIун бия ДР-лул культуралул министр Зарема Буттаевагу.

[dropcap]М[/dropcap]инистрнангу, цала даврил уртакьтуран Кьурбанаьли МахIаммадовлунгу, Амирхан МахIаммадовлунгу художникнал бувна цалла выставкалийхсса экскурсия. Бувсуна цалла давурттал тарихрая, миннуцIун бавхIусса личIи-личIисса иширттая.

ДакIнийн бутан, выставка лахъи лагантIиссар июльданул 5-ннийнин. Шикку ккаккиялун дирхьуну дур художникнал личIи-личIисса шиннардий дурсса давуртту: дипломрал даврия тIайла хьуну, уттигъанну дирхьуминнуйн бияннин.