Гьарцагу шинал дайлитIулий жу чара бакъа кIицI лагару подпискалул чIумалгу, укунмагу, жула миллатрал кказитрал чIарав бацIан хIадурсса, мудангу бацIлацIисса, биялчувтурал цIарду. Редакциялул цIаниятугу, цинявппа буккултрал цIаниятугу байкъалитIайсса барчаллагьгу баян буллай, бусраврал ххуллий цал уттигу зумух ласлай буру жула дустурал цIарду: ХIамидлул арс Юсуп МахIаммадов Сиражуттиннул арс Марат Илиясов Анвардул арс Артур Исрапилов Юнуслул арс Станислав...
ЦIубутIуй жула халкь нигьа бувсун бия прививкартту дан. Амма чIумул чIалачIи бунни чаран цамур бакъашиву. Цала цивппа бурувччуну, личIлулну бикIан багьлай бур инсантуран, хаснува иммунитет хьхьараминнан. Прививкалул най дуна цIакь къадувайссар иммунитет. Му дурсса чIумалгу цIуллу-сагъшиврул хьхьарасса инсантуран чIявусса халкь бусса кIанттурдая архну бикIан аьркинссар. Пишакартурал бусласимунийн бувну, вакцинация дурсса инсантурайнгу бюхъайссар азар диян, амма...
Жу, Дагъусттан Республикалул Халкьуннал Мажлисрал депутатътал, Марат Илиясов ва Артур Исрапилов, лабизлай буру лакрал агьалинайн – Лаккуйссагу, Дагъусттаннайссагу, щалагу Аьрасатнавуссагу! Махъсса кIира шинал мутталий, хар-хавар бакъа ялун дирсса бала-хатIасса коронавирусрал цIуцIаву сававну, диялну гьулусан хьунни жула ялапаршиндарал тагьар. Му рахIму бакъасса азарданул зевххунни жула дянивату биялсса инсантал, жува миннах жижара бан, хъина-къахъина учин хъирив лаллайгума...
2021 шинал апрель зурул 1-нния шинмай 3 шинава 7 шинавун бияннинсса оьрчIан гьарица зуруй дулун ккаккан дурсса арцул хIакъираву дахханашивуртту хьушиву баян буллай бур ДР-лул ЗахIматрал ва социал хьхьичIунмайшиврул министерство. Апрель зурул 1-нния шинмай кьамул бувсса 261, 0 аьрзирдава 111.4 аьрза махъунмай зана бивтун бур. Аьрзри махъунмай зана битаврил багьанану хъанай бур дянивсса ялапаршиндарал доход...
Аьрасатнал Виричув МахIаммад НурбахIандов увсса кьинилуцIун бавхIуну Ленинкент поселокрай хьунни «Зузияра, уссурвал!» акция. Акция сакин дурну дия Дагъусттаннал Госавтоинспекциялул зузалтрал ва МахIачкъала шагьрулул Депутатътурал мажлисрал вакилтурал. Ва хас дурну дия къуллугърал бурж бартбигьлай жанну дуллусса полициялул зузалтран. Мероприятие тIитIлай, ихтилат бунни Дагъусттаннал УГИБДД-лул хъунама полициялул полковник Александр Шалагиннул. ДакIнийн бутан, полициялул лейтенант МахIаммад НурбахIандовлул жан...
Республикалул энергетикалул комплексрал тагьар цалийн дуцаврицIун дархIусса АьФ-лул Президентнал цинярда тапшурлугъру цила чIумал бартдигьинтIиссар. Муния бувсунни Дагъусттаннал ХIукуматрал Председатель АбдулпаттахI Амирхановлул, паччахIлугърал бакIчинал пресс-конференциялул хIасиллан хасну кьамул дурсса тапшурлугъирттая буслай. «Россети» ПАО-лущал цачIу жу ххал бигьинтIиссар энергетикалул аралуву зузисса республикалул электросетирдал хъунисса идарартту цачIун баврил масъалагу. Мукунма Президентнал тапшур бунни республикалийсса электросетьру мюнпатну зуншиврул бан-битанмунил...
Январьданул 11-нний Дагъусттаннал БакIчи Сергей Меликовлул дунни гьашинусса шинал региондалий коронавирусрал инфекциялущалсса талатаврил Оператив штабрал батIаву. Республикалул каялувчинал бусаврийну, байрандалул гьантрай региондалий аьмну бювхъуну бур щаллу дуван эпидемиологиялул тагьарданул цалий дацIаву. Сергей Меликовлул барчаллагь кунни ми хIасиллу хьун дурсса духтуртурахь, Роспотребнадзорданул ва МВД-лул зузалтрахь. Хъин чулий ккарккунни мукунна му чулухуннай дурсса муниципалитетирттал давурттугу. Сергей Меликовлул...
Январьданул 12-нний Дагъусттаннал БакIчи Сергей Меликовлул каялувшиврий дурунни 2021-ку шинал ДР-лий Антитеррор комиссиялул давурттал хIасиллу ва бивхьунни гьашину бартбигьинсса масъалартту. Республикалий терроризмалийн къарши буккаврил аралувусса тагьарданун кьимат бишлай, Дагъусттаннал БакIчинал кIицI бунни махъсса ппурттуву тагьар хъин чулиннай даххана хъанай душиву. Сергей Меликовлул тIимунийну, тагьар цалийн дучIарчагу, республикалий сахла хъанайнна дур ттигу радикал диндалул чул бувгьуминнал...
Дагъусттаннал БакIчи Сергей Меликовлул Аьрасатнал Печатьрал кьини барча бунни Дагъусттаннал журналистътал. – ХIакьинусса кьини СМИ-лул бияла хъунмассар Дагъусттаннал агьалинал нахIушиву дуруччавриву, чIяву миллатирттал дусшиву цIакь дувавриву, цинявннан аьмсса ххазинартту хьхьичIунну къуццу тIутIавриву. Жулва билаятрал ляличIишиву ва рувхIанийсса аваданшиву ядавриву хаснува хъунмасса бияла буссар миллатирттал прессалухь. Гьар кьинисса журналистътурал макьаларттал Дагъусттаннал агьалинан ссаву ци буссарив бувчIин...
Январь зурул 12-нний МахIачкъалалив, Оьруснал театрданул залдануву, лахъа-хъунну кIицI ларгунни Аьрасатнал Печатьрал кьини. БакIрайва кIицI лаганну профессионал байран барча дуван укун хъуннасса шадлугърайн театрданувун республикалул журналистътал бавтIсса иш махъсса шиннардий дакIнийвагу бакъашиву. Журналистътал барча буван сахIналийн бувккуна информациялул ва печатьрал министр УмархIусман ХIажиев, национал политикалул ва динийсса иширттал министр Энрик Муслимов, жагьилтурал министр Камил Саидов,...
