Хъювхъиял шяравусса райондалул Культуралул ва дялахърулул центрданул филиалданий лахъа-хъунну кIицI лагай цимурцагу байран. Филиалданий каялувшиву дуллалисса Рукьижат Оьмаева цуппава ва даврин куну лявхъусса инсан бур. Гьар мудан кунма, ЦIусса шинал байрандалуцIун дархIусса шадлугърал мажлисгу ванил лавайсса даражалий сакин бувну бия. Рукьижат Оьмаевал барча дунни цинявппагу гьурттучитурахь ЦIусса шин. ЦIусса шинал байрандалул тарихрая бусласисса ихтилат бунни...
Аьдатравун дагьсса куццуй, Гъумук хьунни ЦIусса шинацIун дархIусса шадлугъру. Миннувагу агьаммур – Елкалул шадлугъ хьунни Жагьилтурал паркраву, Лакрал райондалул бакIчи Юсуп МахIаммадов, идарарттал каялувчитал ва зузалт, шяраваллал бакIчиталгу гьурттуну. БавтIми барча буллай, Юсуп МахIаммадовлул бувсунни яла нанисса шинал хIасиллая ва ялун нанисса шинаву дан дакIнийсса давурттая. Барчаллагьрай кIицI лавгунни лябукку буну зузаврихлу лахъсса зунттал районнал...
ЦIусса шин дайдирхьусса гьантрай ЦIуссалакрал райондалул бакIчи МахIаммад-ХIажи Айдиев ивунни дяъвилул ишру най бивкIсса, Сириянава махъунмай зана бивтсса оьрчIру ялапар хъанахъисса кулпатирттавун. Ванащал архIал бия ЦIуссалакрал райондалул КIулшивуртту дулаврил управлениялул хъунмур Светлана Къудаева ва ванил хъиривчу Бахттун Шуаьева, ЦIуссаккуллал 2-мур школалул директор Татьяна Айгунова. ЦIусса шингу барча дурну, хъамаллурал буллунни миннан нацIу-кьацIулул ва ахъулссаннул кьуцуртту....
Декабрь зурул 30-нний Ккуллал райондалул хъун шяраву, Ваччав, тIайла дурккунни жуятура нанисса шин ва хьунадаркьунни ЦIусса шин. ЦIусса шин хьунадакьаврийнсса хIадуршинна дурну дия Ккуллал райондалул культуралул зузалтрал Ибрагьимова Маринал каялувшиврий. Майдандалийсса сахIналул хьхьичI бацIан бувну бия елка. СахIна цуппагу, ЦIусса шинан хас дурсса баннер ларххун, цайми чIюлушиннардугу дурну, бакьин бувну бия. Шадлугъ дайдирхьуна ахттая махъ....
ЦIусса шинал байрандалул гьантрай ЦIуссалакрал райондалул бакIчи МахIаммад-ХIажи Айдиевлул барча бунни ва бахшишру дуллунни дуккавриву хьхьичIунсса ккаккияртту хьун дурсса 340 оьрчIан. ЦIуссалакрал райондалий аьдатравун дагьну дур шадлугърай дуккаврил шинал хIасиллу даву. Ва кьини бахшишру ларсъсса 340 отличникнава 28 дуклаки оьрчIал олимпиадарттай, личIи-личIисса конкурсирттай хьхьичIунсса кIанттурду бувгьуну бия. Мукунна наградартту дуллунни райондалул кIулшивуртту дулаврил 14 идаралий...
Гьарза-гьартасса ва яргсса репертуар хIадур дурну дия Лакрал театрданул ЦIусса шинан хас дурну. ТIайлабацIу буну хьунни Болгарнал режиссер Богдан Петканиннул бивхьусса палангнал драматург Ф.Вебердул пьесалиясса «Нядуку» тIисса спектакльданул премьера. Цивугу гьурттуну бия театрданул жагьилсса актертал. Пьеса лакку мазрайн бувцуну бур Руслан Башаевлул. Ххаллилсса даражалий хьунни театрданул цинявппа балайчитал гьурттусса аьдатсса ЦIушинал концерт. Ва концертрай Дагъусттаннал...
Вай гьантрай щалагу билаятрай кIицI ларгсса Аьрасатнал Печатьрал кьинилуцIун бавхIуну, личIи-личIисса министерстварттал ва ведомстварттал наградартту дуллунни республикалул хьхьич1унсса журналистътуран. Дагъусттаннал Росгвардиялул Управлениялул чулухасса наградартту дуллунни «Илчи» кказитрал хъунама редактор Руслан Башаевлун ва отделданул редактор Андриана Аьбдуллаеван. «Илчи» кказитрал зузалтрал хьхьичIуннайшивуртту, лайкьшивуртту вай щалагу коллективрал, миллатрал хьхьичIуннайшивурттур. ЧIяру даннав жулла наградартту, хъиннура ххишала хьуннав кказитрал сийгу,...
Гьарцагу шинал дайлитIулий жу чара бакъа кIицI лагару подпискалул чIумалгу, укунмагу, жула миллатрал кказитрал чIарав бацIан хIадурсса, мудангу бацIлацIисса, биялчувтурал цIарду. Редакциялул цIаниятугу, цинявппа буккултрал цIаниятугу байкъалитIайсса барчаллагьгу баян буллай, бусраврал ххуллий цал уттигу зумух ласлай буру жула дустурал цIарду: ХIамидлул арс Юсуп МахIаммадов Сиражуттиннул арс Марат Илиясов Анвардул арс Артур Исрапилов Юнуслул арс Станислав...
ЦIубутIуй жула халкь нигьа бувсун бия прививкартту дан. Амма чIумул чIалачIи бунни чаран цамур бакъашиву. Цала цивппа бурувччуну, личIлулну бикIан багьлай бур инсантуран, хаснува иммунитет хьхьараминнан. Прививкалул най дуна цIакь къадувайссар иммунитет. Му дурсса чIумалгу цIуллу-сагъшиврул хьхьарасса инсантуран чIявусса халкь бусса кIанттурдая архну бикIан аьркинссар. Пишакартурал бусласимунийн бувну, вакцинация дурсса инсантурайнгу бюхъайссар азар диян, амма...
Жу, Дагъусттан Республикалул Халкьуннал Мажлисрал депутатътал, Марат Илиясов ва Артур Исрапилов, лабизлай буру лакрал агьалинайн – Лаккуйссагу, Дагъусттаннайссагу, щалагу Аьрасатнавуссагу! Махъсса кIира шинал мутталий, хар-хавар бакъа ялун дирсса бала-хатIасса коронавирусрал цIуцIаву сававну, диялну гьулусан хьунни жула ялапаршиндарал тагьар. Му рахIму бакъасса азарданул зевххунни жула дянивату биялсса инсантал, жува миннах жижара бан, хъина-къахъина учин хъирив лаллайгума...
