Александр Пушкин КIинттулсса ххуллу Хъюрухъ багь ттуруллавух Барз бур хIаллих гьузуй най, Пашмансса дарардавух Пашмансса чани зизлай. КIинтнил ххуллийх гургу тIий Най бур дучри, ссур хьуну. Бизар чIурдал гюнгутIи Бур лахIахъа бивхьуну. Бутлай бур дакIнийн асар ПпайтIунчинал балайрдал: Жагь баччи бакъа ччамар, Жагь бизаршиврул майдан. Так хьхьугу, марххалагу, ЧувчIав – я цIу, я пукьа… Шайсса...
Уттигъанну ЦIуссалакрал райондалул бакIчи МахIаммад-ХIажи Айдиев ивунни ЦIуссаккуллал шяравусса фермернал хозяйствалийн. ХIакьинусса кьини ЦIуссалакрал райондалул аграр сектор хьхьичIунмай шавриву хъунмасса бияла бур райондалийсса фермертурал хозяйствардахь. Шяраваллил хозяйство хьхьичIуннай даву ва хаснува ризкьи гьарза баву мурадрайсса ххуллу-чаранну ляхълай, мудан чIарав бацIлай бур райондалул каялувчитал. ЦIуссаккуллал шяравасса МахIмуд Кьурбановлул, арендалий аьрщигу ларсун, фермернал бизнес дачин дурну хьуну...
Октябрьданул 2-нний «ХIакьикьат» кказитрал редакциялий хьунни Дагъусттаннал аьралий комиссар Дайтбаг Мустапаевлул ссуттилсса призыврал хIакъиравусса пресс-конференция. Ссуттилсса призыв дайдирхьуссар ноябрь зурул 1-нний. Щалагу билаятрай аьралуннаву къуллугъ бан уцин тIий ур 120 азара инсан. Вай ларгсса шинал вара чIумулнияр 7,5 азара инсан чанну хъанай бур. Военкомнал бусласимунийн бувну, уттинин октябрь зуруй дайдишайсса ссуттилсса призыв махъун дагьну дур...
Ларгсса нюжмаркьини Лакрал театрдануву лайкьсса даражалий хьунни хIакьсса лакку мукъул кьадру-кьимат кIулми ссавур дакъа ялугьлай бивкIсса, унгу-унгусса лакку шеърилугърал байрандалун ккалли бансса иш – лакрал миллатралгу, дагъусттанналгу хъунасса шаэр Мирза МахIанмадов дунияллийн увккун 100 шин там шаврин хас бувсса аьпалул мажлис. Ва кьини шаэр дакIнийн утан бувкIминнал дянив нажагьссавагу акъахьунссия ванал шеърирду дакIних къакIулсса тIисса...
НирпахI ЧIун наниссаксса ва замана баххана хъанахъиссаксса жула оьрмулуву, багьу-бизулуву аьркин буллай бивкIсса ярагъ, кьай-кьуй, матахI ва цаймигу затру аьркин къадуллай ва муницIун миннул цIардугу чан-чанну тIий хъамаритлан дикIайссар. Мукун бух хьусса, чIявучин къакIулнува ливчIсса махъру цумур-бухьурчагу мазраву къачанну хьунабакьайссар. Ми махъругу бух хьуминнун ва архаизмардан ккалли хъанан бикIайссар. Мукунсса махъру лакку мазравугу тамансса буссар...
Рамазаннул душ ХIажиева Узу Вай гьантрай, оьрмулул 35 шинаву, аьпалухьхьун лавгунни Карашрал шяраватусса Рамазаннул (Романнул) душ ХIажиева Узу. ЧIун дакъасса бивкIу тачIаввагу бигьану къабикIай лялиян бан нитти-буттангу, уссур-ссуннангу, щала агьлу-авладрангу. Къанясив баваннав Заннал! Жагьилсса оьрмулий жуятува батIул хьусса Узул бивкIулул хъуннасса пашманшивугу кIидачIлай, дакIнийхтунусса жижара буллай буру буттахь Рамазаннухь, ниттихь ПатIиматлухь, уссихь Аьбдуллухь ва махъсса...
Ccуттил уссацIунсса маслихIатру Атил хьусса, чятсса уссаву занан ххирасса, ччисса инсан ушиву къакIулли. Укунсса заназиндарая, ва цурда тIааьн дакъасса душаврицIун, цIуллу-сагъшиврунгу хъуннасса нигьачIаву дур, хаснува кьатIув гьава бявкъусса ссуттилсса гъаралуннил чIумал. Уссавун щин духхан къаритансса кьяйдардугу, сурсатругу къачансса дур. Бачира вай архIал дакIнийн дутаннуча. Хъан Уссал ягу хозяйствалул ттучаннай бахлай бикIайссар щин махъуннай дуван ишла...
Пишалул байрандалул гьантрай АьФ-лул виваллил иширттал министр полициялул генерал Владимир Колокольцевлул шадлугърал даражалий дуллунни ПаччахIлугърал ва ведомствалул наградартту инсантал ххассал буллай къучагъшиву ккаккан дурсса 30 полициялул зузалан. Полициялул зузалтран къучагъшиву ккаккан дан багьну бур цIараву, гьалаксса неххардий, щинал ялтту бавкьусса микIирай. Цала оьрмулунсса нигьачIаврих къабурувгун, ххассал бувну бур вайннал инсантурал оьрмурду. – Къуллугъ буллан айивхьуну...
Цуксса кьурчIинугу, Украиннал аьрщарай нанисса хасъсса аьралий операциялуву аьралуннал бурж биттур буллай жанну дуллунни жула язисса арсурваврал. Къайтагъуллал райондалиясса Микаиллул ва Хъусращиял шяравасса Заретта Мирзаевхъал кулпатрангу багьунни хIасратру духIан. Вайннал арс, хъунама лейтенант ХIамзат Мирзаевлул Донецкаллал областьрайсса Красный Лиман тIисса шагьрулий хьусса талатавриву къучагъшиврий жан дуллуссар. Ванал чувшиврун бюхттулсса кьимат бишлай, Аьрасатнал Президент Владимир Путиннул...
Вай гьантрай, щалва билаятрай кунна, Дагъусттаннайгу Аьрасатнал халкьуннал Цашиврул кьинилун хас дурсса шадлугъру дур. Ва кьини бигьалагай кьинир цурдагу, амма цаппараннан бюхъайссар ци байран кьинирив къакIулну бикIангу. Ноябрь зурул мукьилчинмур кьини кIицI лагайсса ва байран цIусса, жагьилсса байранни. Ванил тарихмур ччясса заманная нанисса бур. 1612-ку шинал Москав Польшанаща тархъан бувсса чIумуцIун бавхIусса бур ванил таварих....
