Бюхттулсса Ххувшаврил кьинилун хасну щалагу Аьрасатнаву най дур аьдатравун дагьсса личIи-личIисса акциярду. ХъунмурчIин ми дур мурхьру бугьлагьи­сса «Ххувшаврил мурхьру» ва «Ххувшаврил тIутIив» тIисса цIардалу сакин дурсса.

Апрельданул 26-нний Каспийскалий Кадетътурал хьхьирил школа-интернатрай дия ляличIиссара уттарашинна – ва кьини шикку тIитIлай бия Ухссавнил Ккавкказуллал Федерал округрал кадетътурал идарарттал регионнал дянивсса цалчинсса аьрали ва патриот зумунусса слет.

Майрал 2-нний Дагъусттаннал БакIчи Рамазан АьбдуллатIипов гьуртту хьунни Ак-Гель бярничIасса паркраву мурхьру бугьаврин хасъсса иширавух.

Майрал 1-нний ДР-лул БакIчи Рамазан АьбдуллатIипов гьуртту хьунни Интнил ва ЗахIматрал Кьинилун хас дурсса митинг-концертрай МахIачкъалалив, Оьруснал театрданул хьхьичIсса майданнив.

Хъунмасса, лахъан къахьунсса зарал! Так цаха цува лавхьхьусса шаэр. Поэзиялул цалуннасса планета, цийнгу чин бучIисса КIуруховлул планета куну! Циваннивав ялувсса Заннан ххуй-ххуйми, щихачIав къалавхьхьуми цачIанма буцлан ххирасса.

Аслийсса зунтталчу, ххаллилсса шаэр, Шяъбаннул арс ХIасан КIурухов аьпалул шаврил кьурчIишиву кIидачIлай, жижара буллай буру щалагу «Илчи» кказитрал редакциялухь, ХIасаннул кулпатрахь, душварахь, махъсса гъан-маччанахь.

Жижаралун кIанай Апрель зурул 28-нний, жувагу кьабивтун, ахиратравун лавгунни лакрал шеъриятраву цайминнаха къалархьхьусса тIитIавуртту дурсса лакрал шаэр, Вихьуллал шяравасса КIуруххъал ХIасан.

ГъапI кусса ссавнилу, вайварттал ккурккай, Ккулла кунна, щунни дакIницIун Ватан…-

ЛичIи хьунни жуяту жул даврил ва оьрмулул хьхьичIунсса дус, уртакь Махъсса кIира-шанна шинал лахъишиврий бала-хатIасса цIуцIаврищал чувшиврий талайгу ивкIун, цала оьрмулул 63 шин хьун ца зурул хьхьичI жуятува батIул хьунни лакрал миллатрал цIанихсса шаэр, гьунар ххисса публицист, журналист, «Илчи» кказит тIивтIусса кьинилия шинай ванил отделданулредакторну, махъсса чIумал хъунама редакторнал хъиривчуну, зий ивкIсса инсан, жул редакциялул...