Гьар шинах кунма, гьашинугу Ххувшаврил кьини чIявусса агьали бавтIуна МахIачкъалаливсса Виричунал гьайкалданучIан. Ва ЦIувкIуллал жяматраву цIакь хьусса аьдатри. Амма, цIувкIул бакъагу, цайми шяраваллал агьлугу, хIатта цайми миллатралссагу бучIай Виричунал гьайкалданучIа тIутIив дишин.
Москавлийсса цIувкIул тIурча, чара бакъа батIайссар ва кьини Новодевичье хIатталливсса Виричунал гьаттайн. Дяркъусса, сив-сив тIисса гъарал дусса кьини духьурчагу, чIявусса жагьилтал бия гьаттайн бувкIун.

Бия хIурмат бусса профессортал Арсен ХIусайнов, Сяъдуллагь Абакаров ва цаймигу бусравсса инсантал. Ия Ухссавнил Ккавкказуллал иширтталсса буллалисса Аьрасатнал Федерациялул министрнал Советник Ризван ГъазимахIаммадов. Цинявннал цIарду кIицI лаган къахьунссар, бия Виричунал ва Бюхттулсса Ххувшаврил кьиматгу, хIурматгу адаврай ябуллалими. Адаврай ябуллантIиссар жулва наслулулгу миллат абад бувсса Вирттаврал аьпа!

ПатIимат Рамазанова