ЧIявучин къакIулсса, ЦIуссачIурттащатусса Мудуева Зулайхат Къаравалил душнил творчество, лакку мазрай цилагу чичлай, цайминналссагу батIлай, луттирду итабакьлакьисса составитель хIисаврай, жунна цинявннан кIул хьун аьркинссар.

АЬВДУЛЛАГЬЛУЛ АРС АЬБИДОВ ЗАЙНАЛАЬБИД Февральданул 10-нний дунияллия лавгунни, щалва оьр­му мюрщи оьрчIру хъин буллай лавгсса, чумартсса, бюхъу хъунмасса зунтталчу, Ххюлусмату­сса Аьвдуллагьлул арс Аьбидов Зайнал­аьбид.

Февральданул 9-нний МахIачкъалалив Дусшиврул къатраву Дагъусттаннал БакIчи Рамазан АьбдуллатIиповлул дунни Дагъусттаннал БакIчиначIасса Вихшалалул инсантурал советрал цалчинмур заседание (заседание Совета доверенных лиц).

МахIачкъалаллал Ленинский райондалул прокуратуралул цалла давриву хьхьичIххуттаву ккаклакисса масъала бур балугъравун къабивминнал мурадру ва ихтиярду дуруччаву. АьФ-лул ТК-рал 331-мур статьялул 2-мур бутIуйн бувну, оьрчIахь дарсру дихьлан къабитлай бур танмихIрайн

ЦIансса чIумал чIярусса ДТП-ртту хъанахъаврил ца багьана бур ххуллурдай чирахъру бакъашиву. ШупIиртуран, хаснува машиналул пюрунтру цIан бувминнан, ххуйну чIалай бакъар ххуллу лахълахъисса бахьттагьалт. Мукунсса тагьарданий машинар­тту щуну апатIру хъанай бур чIявусса инсантуран.

Февральданул 10-нний «Дагестанская правда» кказитрал редакциялий хьунни Республикалул клиникалул больницалул хъунама хIакин Ибрагьим МахIаммадовлул пресс-конференция.

МУСАЛ АРС МУСАЕВ ОЬМАРИ Январьданул 28-нний, оьрмулул аргъираву (53 шинаву), хархавар бакъа жуятува личIи хьунни цинявннанагу бусравсса, жяматраву хIурмат бусса ххаллилсса зунтталчу Мусаев Оьмари.

Февральданул 1-нний хьунни ДР-лул Халкьуннал Мажлисрал 58-мур сессия. Ганий Дагъусттаннал БакIчи Рамазан АьбдуллатIиповлул дурккунни республикалул Халкьуннал Мажлисрайнсса Рисала.

МахIачкъалалив «Националь» ресторандалуву вай гьант­рай хьунни, къаофициалсса тагьардануву, республикалул чIиримур ва дянивмур ишбажаранчишиврул аралуву маэшат буллалиминнал ва хIукуматрал къуллугъирттал вакилтуращал­сса хьунабакьаву.

Хасаев АхIмад Щайхлул арснал цIаницIун дархIусса «Заслуженный деятель науки РД», «Заслуженный врач РФ», «Заслуженный врач РД», «Народный врач РД», «Отличник здравоохранения СССР», «Кардиолог высшей категории», медициналул элмурдал доктор, ДР-лул ЦIуллу-сагъшиву дуруччаврил