Мартрал 21-нний Рутуллал райондалийсса ЦIахъюрдал шяравун занчру бувкIун, 9 шяравунсса ххуллу лавкьуну, райондалущалсса дахIаву дакъа ливчIун бия. Мартрал 21-нний маркIачIан бивзсса чIумал тиккун бивну бур цалчинмур занч. Марххала буллайнма бивкIун бур кьинибархангу, хьхьувайгу. Мартрал 22-нний Рутуллава хасъсса техника дучIан дурну, зунчавух нух дурккун, ххуллу бувну бур. Амма апатI мунийну къуртал хьуну бакъар: мартрал 23-нний, ахттая...
Мартрал 31-нний Дагъусттаннал БакIчи Сергей Меликов хьунаавкьунни ДР-лийсса инсантурал ихтиярдал вакил Жамал Аьлиевлущал, ишбажаранчитурал ихтиярду дуруччаврил вакил Мурад ТIалхIатовлущал ва ДР-лий кулпатирттал, ниттихъал ва оьрчIал ихтиярду дуруччаврил вакил Марина Ежоващал. Сергей Меликовлул тIимунийну, жулва хьхьичI бур бартбигьин аьркинсса цаппара задачартту. Миннувасса цалчинмур хъанай бур цIана хIадур буллалисса Дагъусттаннал Социал –экономикалул лябуккулул стратегия. — Му бартбигьин...
Мартрал 26-нний Дагъусттаннал БакIчи Сергей Меликовлул бивтунни цаппара цIусса къуллугъчитал Республикалул ХIукуматрайгу, исполнител властьрал органнайгу Цуппа рязину къуллугърая букьан бунни ДР-лул дуккаврил ва элмулул министрнал буржру чIумуйну бартбигьлай бивкIсса Оьмарова Уммупазиль Авадзил душ. Мунил кIанай, ДР-лул дуккаврил ва элмулул министрнал буржру чIумуйсса бартбигьлагьиманал къуллугърай ивтунни Дагъусттаннал паччахIлугърал Халкьуннал хозяйствалул университетрал ректор, ХIамидлул арс ЯхIия Бучаев....
Мартрал 29-нний Дагъусттаннал БакIчи Сергей Меликовлул каялувшиврий хьунни Наркотикирттайн къаршисса комиссиялул ярглийсса батIаву. Ва агьаммурну бия наркотикирттахун багьми хъин буллалисса паччахIлугърал бакъами идарарттал давурттал мюнпатшиврул ялув бацIаву. Сергей Меликовлул тIимунийну, республикалул Наркодиспансерданул сияхIрай бусса бур 6,8 азарунная ливчусса инсантал. 100 азара инсаннан 132 наркоман хIисавну ур. 2020 шинал наркотикру машай буккан баврил аралуву дурну дур...
Апрель зурул 1-нний Каспийск шагьрулий С. Орджоникидзел цIанийсса Машиностроениялул ва сервисрал колледжраву хьунни WorldSkills Russia-2021 Жагьилсса пишакартурал региондалул VI-мур чемпионатрай гьуртту хьуну хьхьичIунсса кIанттурду бувгьусса студентътал барча буллалисса шадлугърал даражалийсса мажлис. Гьурттучитал ва хъамал барча буллалисса ихтилатраву колледжрал директор МахIаммадрасул Муслимовлул кIицI лавгунни вай чемпионатирттал кумаграйну студентътуран пишардал усттаршиву ва кIулшивуртту ккаккан дансса, кувннацIа кувннал...
Ларгсса бигьалагай кьини Египетнаву, Каирдай, Дагъусттаннал халкьуннал шаэр Расул ХIамзатовлун гьайкал дацIан дунни. Ва шадлугърай гьуртту хьунни Аьрасатнал вакил Георгий Борисенко, Египетнал хъуншагьрулул губернаторнал хъиривчу МухIаммад Султан, тайннал Культуралул министерствалул вакилтал, культуралул зузалт, художниктал, дипломатътал, журналистътал. Шаэрнал бюст бувну бур египетнал художникнал, Аьрасатнал ва Совет Союзрал билаятрал вузирдал выпускниктурал ассоциациялул хъунама Усама аль-Серуил. Шагьрулул администрациялун...
Ларгсса нюжмаркьини Дагъусттаннал муфтиятрал конференц-залдануву республикалул муфти щайх АхIмад-хIажи Аьбдуллаев хьунаавкьунни лакрал интеллигенциялул вакилтуращал. Ва хьунабакьаврил сиптачиталну бия Муфтиятрал полпред Шамил БахIандаьлиев ва ДГИ-лул преподаватель, философиялул элмурдал доктор Асият Буттаева. Ванил цилва ихтилатраву кIицI лавгунни республикалий чIярусса шиннардил лахъишиврий агьали, динну ва миллатру личIи къабуллай, кувннал хIурмат кувннал буллай яхъанай бушиву ва вара тагьар цIакь...
Апрель бур гьавалул тагьарданул чулуха цалий къабавцIусса барз: интнил цалнияр цал цIакьну бияла цилва кIунттихьхьун ласласисса, мунищала архIал гъилисса кьинирдацIун дяркъусса хьхьурдугу чан дакъасса. Мукуннугу, ва чIумал аьрщарай дуванмур къачанни. Интту аьрщи дуччин дувару дургьумунин бакIрайра чара бакъа аьркинсса оьргъашиврул. Шикку ххишала дакъа дучIину лякъинтIиссар ларгсса гъинттул ва ссуттил ахъува дартIсса, рирттусса уртту цIаракIин диртун...
Дагъусттаннал ФСБ-лул зузалтрал «Ястреб» СОБР-ал (Росгвардия) ва Дагъусттаннал Пенсиярттал фондрал отделданул зузалтрал кумаграцIух ашкара бунни закондалул ххуттава бувксса хIарамзадатурал группа. Вай бивкIун бур Пенсиярттал фондрал кIанттул подразделениярттай, къалпсса справкарттайн ва оьрчI баврил свидетельстварттайн бувну, ниттихъал капиталданул сертификатру ласлай. Укун, тахсиркартурал дарцуну дур «О дополнительных мерах государственной поддержки семей, имеющих детей» федерал закондалул лагрулий итадаркьусса 20...
Росгвардия сакин хьусса кьинилун хасну МахIачкъалалив «Аьрасат – Ттул тарих» музейраву тIивтIунни «Дагъусттаннал аьрали савлугъ» (Боевая слава Дагестана) цIанилусса цIусса экспозициялул зал. Ва тIитIлатIисса мажлисрай гьуртту хьунни Дагъусттаннал ХIукуматрал председательнал хъиривчу Муслим Телякавов, Дагъусттаннал жагьилтурал иширттал министр Камил Саидов, Росгвардиялул аьралитал ва ветерантал. Мероприятие тIитIлай, ихтилат бунни Тарихрал музейрал директор Тимур Велихановлул. Ванал кIицI лавгунни...
