Гьашину ризкьи ябаврил бутIуву ларсун дур 20,8 млрд. къурушрансса бакIлахъия ягу дукIумур шинах бурувгун 103,9%. Ризкьилул ва аьнакIал дикIул 90,8 азарда тонна хьуну дур, дукIумуних бурувгун 106%. НакI ттирзуну дур цинярдагу 612,4 азарда тонна (103,2%), лавсун бур 155,5 млн.

Ухссавнил Ккавкказуллал исламрал хъиривлаявурттал Центр­данул цIаниятусса Барчаллагьрал чагъарду буллунни Дагъусттаннал гуманитар институтрал преподавательтуран. Ва институтрал даврин лахъсса кьимат бивщуну бур личIи-личIисса динну дуллалисса ва личIи-личIисса миллатру бусса республикалий дакьаву ядан буллалисса хIарачатрахлу.

Хъинну рязийра 14-мур ноябрьданий 46-мур номерданий «Илчи» кказитрай рирщусса «Лакку мазрайн бивсса цIарал лама» макьалалул залуннащал, муданагу цIакьну лакку мазрал къаралданий авцIусса, АьФ-лулгу, Дагъусттанналгу лайкь хьу­сса муаьллим, Хъусрал ЧIаратусса ХIусманов МахIаммадлущал, мунал макьалалувусса гьарицагу мукъущал, хIарпиращал, пикрилущал.

ХIажиева (МахIаммадова) Муъминат бувну бур Ккуллал райондалийсса ЦIущуллал шяраву хъудугьул Шагьимарданнул ва Марияннул кулпатраву. Дуклай бивкIун бур ЦIущуллал байбихьулул школалий, 2-мур ЦIувкIуллал арулла шинал школалий. 1957-сса шинал Буйнакскаллал зунттал душварал интернат къуртал бувну бур.

Хъун дяъвилул вирттал шиная-шинайн чан хъанай, ахиратра­хьхьун лаглай бур. Ттул буттал шяравагу 129 ур учинсса виричу лавгун, миннаватугу 73 та ччарниву, тийхва ливчIссар. Бахтти хьуну, минная 66 ачIи-кьачIину увкIун ур. Миннаясса махъва-махъ ливчIун ивкIсса МухIаммадов Сиражуттин ларгсса шинал аьпалухьхьун лавгунни.

ЦIусса лу буккаву цума ухьурчангу шаэрнал, чичул хъанай бур хъунма бакъасса, бюхъай хъунмасса, агьамсса бикIангу, ишну миллатрал дяниву. Хъунмасса иш бикIай лу чивчума ссаха зузисса цу уссарив, цалва миллат ххирасса урив, акъарив кIулну бухьурчан.

ЦIа дурксса драматург, шаэр, публицист ва редактор Гьарун Саэдовлун хас дурсса шадлугърал мероприятияртту най дия щаллусса нюжмардий Ххюлуссуннал школалий. Ми хIадур дурну дия ва школалий лакку мазрал ва оьрус мазрал дарсру дихьлахьисса учительница Мавраева ХIабибат ЯхIияевнал.

Республикалул ххуллурдайсса ДТП-ттая ва миннуву инсантуран хъанахъисса бала-апатIирттая жу ччя-ччяни бусару жулва кказитрай. Гьар мудангу укунсса иширттая баллалиний, ккалаккиний дакI къума лагай. Цуксса ялув бавцIуну бухьурчагу ГИБДД-лул зузалт, ххуллурдайсса тагьар чIаланну ххуй хъанай дакъар.

Совет Союзрал Виричу Якьув МахIаммад-Аьлиевич Сулайманов дунияллия лавгунни ноябрьданул 7-нний оьрмулул 93 шинаву. Якьув МахIаммад-Аьлиевич увччунни аьраличалтрал хIатталлив. Уччайни хIатталлив бувкIунни ДР-лул вице-премьер Анатолий Карибов, ДР-лул Ветерантурал союзрал председатель МахIаммад Каримов, министерстварттал ва ведомстварттал вакилтал. Виричунащал хIалалшин ласун бувкIунни чIявусса цIа дурксса ватанлувтал дустал, мачча-гъансса.

Ноябрь зурул 10-нний Ма­хIачкъалаллал администрациялул къатраву хьунни Аьрасатнал Виваллил органнал зузалтрал байрандалун хас бувсса шадлугърал мажлис. Пишалул байрандалущал виваллил иширттал органнал зузалт ва ветерантал