Августрал 6-нния 12-ннийн бияннин Владимирский областьрай хьуссар жагьилтурал образовательный форум «Территория смыслов на Клязьме» цIанилусса. Му форумрал VI-мур сменалий гьуртту хьуссар Дагъусттаннал паччахIлугърал медициналул университетрал 14 студентная сакин хьусса делегациягу. Миннал му форумрайн ларсун лавгссар элмийсса ва социал проектру.
Ларгсса бигьалагай кьинирдай Лакрал райондалий Шахьуйннал шяраву шадлугърал тагьарданий тIиртIунни Дагъусттан Республикалул лайкь хьусса артистка, вайксса шинну ларгнугу, цил кIану бугьансса цама балайчи уттигу къаувксса, щихачIав къалавхьхьусса такьвалул ва занакьулушиндарал заллу, Мариян Дандамаевал (Маммаевал) аьпа абад буллалисса ула.
Августрал 12-нний дайдирхьунни Венгриянаву Дунияллул халкьуннал дянивсса «Саммерфест – 2016» фольклорданул фестиваль. Мунил лагрулий най дур Венгриянаву Дагъусттаннал халкьуннал творчествалул кьинирдугу. Фестиваль цурдагу, мунийсса Дагъусттаннал халкьуннал творчествалул кьинирдугу лахъи лагантIиссар ва зурул 22-ннийнин.
Микку ттун цIунилгу бувчIай, Лакрал рухI гъагъан дувансса Я дяъвирду, я тIюпанну Дунияллий бакъашиву. М.-З. Аминов
Жунма цинявннан ххуйну кIулли 1944 шин лакрал миллатрал тарихраву аькьувалул ва ахир дакъасса захIматшивурттал дайдихьуну хьушиву. Укунмагу аькьуварду ва буруккинтту гьарзасса лакрал тарихраву. Ми буруккинттава ва захIматшивурттава буккан къахъанайнма буру хIакьинугу. ЦIуницIа зул хьхьичIун ласлай буру 1998 шиналсса репортаж. Так ца ва репортажравагума аьлтта чIалай бур тай шиннардил тарг ва бущи. Масъалартту ва буруккинтту. Къювурду...
Жу ЦIуссалаккуй Новостройрай дацIантIи кьинилия ихтилат сукку байхту, райадминистрациялул хъунама Арсен Каммаевлул жухь увкуна: «ВичIан бавнунияр, яруннин ккавккун хъинссарча, ци иш-тагьар дурив ккаккан, бачияра зувагу Новостройрайн биян», куну.
Совещание къуртал хьуну мукьах, Арсен Каммаевлущал, бизан баврилсса буллалисса оргкомитетрал председательнал хъиривма Шамил Акаевлущал ва трестрал хъунама инженер МахIаммад Мусаевлущал, жу бивру лагма-ялтту дуллалисса шяраваллавун,
Кьакьан дирчусса янналул бувцIусса ххану бусса къатрачIан гъан шайхту, жува багьайкун мина-гьанулул хьусса къушлийн буххавай бурухха тIисса илгьан багьунни дакIнивун. Мува зат исват бан кунма, гихахва ккавккунни щюлли урттуйн къеп-шеп тIисса аьнакIивгу.
ХIАЖИМЯММАЛ ДУШ САЙПУЛЛАЕВА (ШТАНЧАЕВА) САКИНАТ Хъинну хъуннасса, кьюлтI учин захIматсса кьурчIишиву дирунни ГьунчIукьатIрал шяравасса ХIажимямма ва Сарижат Штанчаевхъал кулпатрал, уссур-ссуннал ялун 11-мур августрал кьини.
Олимпиадалул тIуркIурдал 5-мур кьининийн Аьрасатнал цачIун дур командалул ларсунни шаннагу даражалул медаллу: 4 мусил, 7 арцул ва 4 чарвитул. Миннува 2 мусил медаль ларсунни жула чIаххувсса республикарттаясса спортсментурал: Кабардин-Балкьарнавасса Беслан Мудрановлул ва Ингушнавасса ХIасан Халмурзаевлул. КIинналагу дзюдолул журалуву. Мусил медаль. КIуну бувтун полуфиналданий хьунабавкьуссар Аьрасатнал 2 душ: Аида Шанаева ва Инна Дериглазова. Миннувату тIайлабацIу хьуну...
