Дагъусттаннай чIярусса ххуй-ххуйсса давурттив дурсса жяматийсса ишккакку ПатIимат Геличовал (ва чялишну авгъаннал ветерантурал масъалартталссагу буллалимурди ва Дагъусттаннайсса оьрус учительницахъаясса лу сакин бувмурди) сипталийну МахIачкъалалив тIивтIунни «Алина» тIисса социал ателье.
П. Рамазанова
[dropcap]В[/dropcap]а ательелий цIуллу- сагъшиврул нукьсансса, мушакъатсса душвавран, мукунма чIявусса оьрчIру бусса ва маэшат кIюласса кулпатирттавасса душвавран уква лахьхьин буллантIиссар янна ттисин, дуруххан, дакьин дуван.
Бухьурча дарзинал касму лахьхьин ччисса, амма лахьхьин банманан хIакь булунсса каши дакъасса, насияра ва адресрай:
МахIачкъала, Ахъушинскийл цIанийсса кIичIиравалу, къатта №105 ж. ЦIуххин ччисса бухьурчагу, оьвчара вай номердай:
8-963-794-14-99 ягу 8-963-416-66-000.
ПатIимат Геличова буслай бур цила дакIний ччяниява бивкIшиву му даву дувансса мурад, уттива чIявуссаннал му даву барчаллагьрай кьамул дуршиву, хаснува мушакъатсса душвавран ва къулайсса сянат душиву.
Ванил бувсунни утти цуппа мушакъатсса оьрчIан касмурду лахьхьин дувансса даврил пикрирдайгу бушиву ва чара бакъа му даврихагу зунтIишиву.
