[caption id="attachment_88595" align="aligncenter" width="260"] Ххадижат МахIаммадова[/caption]

ЦIуссалакрал райондалийсса Гьамиящиял 2-мур школалул дуклаки душ Ма­хIаммадова Ххадижат ххув хьунни республикалий най диркIсса Щалагу Аьрасатнал даражалийсса химиялул олимпиадалий.

[dropcap]В[/dropcap]а олимпиада хьуссия январь зурул 26-27-нний, 9-11-ми классир­ттал дуклаки оьрчIал дянив. Олимпиадалул дия теориялул ва практикалул кIулшивуртту аьч дуллалисса заданияртту дусса кIира тур. Теориялул тур дия химиялул личIи-личIисса темардан хас дурсса, заданияртту чирчуну дан аьркинсса. Практикалулмур турданий дуклаки оьрчIан кка­ккан бувну бия лабораториялул экспериментру бан.

Олимпиадалий, лавайсса баллу лавсун, 2-мур кIану бувгьунни Хизрил душ МахIаммадова Ххадижатлул. Дуккавриву хьхьичIунсса ккаккияртту дурсса душ барча буллай бур Гьамиящиял школалул коллектив.