«Росмолодежь. Гранты: Двигай сообщества» тIисса конкурсраву ххув хьуминнал чулуха жула республика хьхьичIунминнал сияхIраву дур.Жагьилсса дагъусттанлувтурал мукьра проектрал дурххуну дур 3, 7 миллион арцул. Ми ишла дантIий дур дянивсса пишалул кIулшивуртту ласаврил идарарттай студентътурал медиа, кIулшивурттал, насихIатшиврул программарду ва фестивальлу щурущи даврин, спортрал, волонтертурал ва творчествалул мероприятиярттан.

Жагьилтурал министерство хьхьичIун­миннавух

Аьрасатнал жагьилтурал ведомстварттал медиалувусса чялишшиврул рейтинграл хIасиллу дунни. 2026-ку шинал кIилчинмур кварталданул хIасиллайн бувну, Дагъусттаннал Жагьилтурал иширттал министерство хьхьичIунсса ххюра региондалувух дур. Рейтинг дуллалиний хIисавравун лавсъссар машгьурсса соцсетирдаву ва мессенджердай официал сообществартту ва каналлу дачин даву, мукунма МАХ мессенджерданий ведомствалул къайгъурду ккаккан буллалаву.
Дагъусттаннал Жагьилтурал иширттал министерство чялишну дур циняврдагу цифрардал майданнай (ВКонтакте, Теlеgram ва МАХ). Соцсетирдаву ведомствалул бишлай бур цIусса хаварду, хьусса иширттал анонсру, дайджестру ва жагьилтуран мюнпатсса информация.

Андриана Аьбдуллаева