Вай гьантрай цуппа ни­ттил бувну, дунияллийн бувккун хъанахъисса 70 шинал юбилей хьунадаркьунни оьрчIал, оьрчIал оьрчIал, гъан-маччанал дянив, кIива миллат­рал ххазинасса, Исуплул душ Дандамаева Жумяълул.

Оьрмулул аргъираву Жу­мяълул язи увгьуну ур Гьун­чIукьатIрал шяраватусса Дан­дамаев Манап. КIивагу ар­хIал къатта-къуш буллай, ду-дакъамунилсса буллай, цалва кулпатрал маэшат кIюла бу­ккан къабивтссар Жумяълул. ХIакьинусса кьинигу ласнащал рукIдирхьуну кIа нанинийн бачайсса ххаллилсса кулпатгу, оьрмулул дусгу хьунни Манаплун Жумяъ.Вайннал хъунигу бувну, цалва-цалва хху­ллурдайн бивчунни арсру, душру. Уттигу ца ссурухIи Марина бур чIанма-чIавамур цилва хIарачатрай шагьрулий зий. ЗахIматрая нигьа къабусай­сса вайннал кулпатраву хъуни хьусса душвараяту ласнал ляхъиннугу хъинну рязийну бикIай. Мигу Жумяълул тарбиялул мархрир, миннуя хьусса яхI-намусрал ттарцIрур.
Ина хьунадаркьусса юбилейращал барча буллай, ххаллилсса чIа учавуртту дурунни винма ххираминналгу, инава ххираминналгу вин, Жумяъ. Я раппий, ми Аллагьутааьланал кIилий гьарза дурну, кьамул даннав, ина оьрмулул бу­ччин битаннав, оьрчIая, оьрчIал оьрчIая тирхханну ккакканнав.
Вила оьрмулул дус Манап­лущал зухва зува буруглай, янин чанигу, чурххай хIалгу буну, дунияллия щалихханнин битаннав. Ина барча бува тIий оьвтIий, вияту гъили­сса ихтилатру буллалисса вил оьрчIан, оьрчIал оьрчIан, душваран, минная бивзминнангу цIуллушиву чIа тIий, ва чIирисса макьала вил юбилейрангу, ттучIава хIурматрайсса вингу хас дуллай, ттула чулухагу цIуллушиву дулуннав тIий бура вин, Жумяъ.
Загьрани Аьбдуллаева