Аьрасатнал Халкьуннал ниттил мазурдил кьини МахIачкъалалив, 3-мур библиотекалул филиалданул гьанулий тIивтIунни цIусса модельная библиотека. Ва республикалий 18-мурди укунсса журалул.

Библиотека тIитIаврил шадлугърай гьуртту хьунни Аьрасатнал культуралул министрнал хъиривчу, статс-серетарь Жанна Алексеева, Дагъусттаннал культуралул министр (врио) Зарема Буттаева , МахIачкъалаллал мэр Жамбулат Салавов ва цаймигу бусравсса хъамал.

Жанна Алексеевал кIицI лавгунни, ва шадлугъ Аьрасатнал Халкьуннал мазурдил байрандалийн тIайладацIавривугу ккалли дансса лишан душиву, чIявусса мазру ва лугъатру бусса уникальныйсса республикалий библиотекарттал хьхьичI бавцIусса ца агьамсса масъалагу ниттил мазру буруччаву ва ялун нанисса никиравун миннухсса ччаву рутаву душиву.

Зарема Буттаевалгу бувсунни гьашину федерал центрданул билаятрай оьрчIансса культуралул просветительский центрду тIитIлатIишиву ва вайннувасса 5 шинал ахирданийннин Дагъусттаннай тIитIинтIишиву.