Укунсса цIанилу ДГУ-ву хьунни Москавлиясса, Севастопольлаясса, Къиргъисттаннаясса ва Палестиннавасса хъамал-чичулт гьурттусса хьунабакьаву.

Ваний дагъусттан мазурдил кафедралул хъунаманал, профессор Муса БахIаммадовлул «Даргиял литература: лахьхьу ва хIакьину» тIисса луттирал презентациягу дунни.
Укуннасса хьунабакьаву ва ккуркки столлу хьунни Дагъусттаннал педуниверситетраву ва телевидениялий (ГТРК-лий ва РГВК-лий).
Вайва гьантрай Поэзиялул театрдануву «Расул ХIамзатовлул кьурукьру» тIисса выставкалийн биялсса агьлу бавтIунни. Ва выставкалийгу чIявусса билаятирттаясса суратру дур ккаккиялун дирхьуну.

Вава Поэзиялул театрдануву «Аьпалул ва вихшалдарал кьурукьру» тIисса цIанилу поэзиялул вечер дунни. СахIналийн бувккунни Аьрасатнал регионнаясса ва кьатIаллил билаятирттаясса чичултгу.
Национал библиотекалуву дунни Расул ХIамзатовлул якут мазрайн таржума дурсса назмурдал презентация.
Шаэрнал цIанийсса Литературный музейраву хъамал хьунабавкьунни «Расул ХIамзатов» жамилул моряктуращалгу.

ПатIимат Рамазанова