ЧIяйннал шяраватусса Ширванинал арс ХIамзаев Камиллун дакIнийн багьну бур, ххулув бай чIунгу дучIаннин, каникуллал чIумал, ЧIяту МахIачкъалаливсса ххуллул манзил велосипедрай битан, циниягу ца бахханасса ва дакIний личIансса аьрххи хIисаврай.
Ххуллийх аьркин хьунмургу ларсун, зунттава увккун ур кIюрххицIун ссят 5-нний, ивну ур шагьрулийн ахттая ссят 2-нний. Му ххарину хьунагу авкьуну ур МахIачкъалалив мачча-гъанминнал, чIири-хъунсса ххувшаву ларсъсса спортсмен куна.
Камил увну ур 2005-кусса шинал Ккуллал райондалийсса ЧIяйннал шяраву. Ччяни ниттицIа хьусса оьрчI (ххюра шинаву) хъуна увну ур ниттирссу Саиматлул, ванал оьрмулуву ванил бувгьуну бур ниттил кIану. Ххишала дакъа ххиранугу дур ванан ниттирссу.
ЛяличIиссава журалий бивтсса ххуллул ссапаргу барча буллай, чIа тIий буру Камиллун ялунмайгу цаннияр ца лябукку бусса ххуллурду, тIайлабацIуртту, ххари-хъиншивуртту. Кабакьиннав вицIун Занналгу.
Дустал, гьалмахтал
