Махъсса ппурттуву Аьрасатнал шагьрурдая Дагъусттаннайн чIявусса туристал букIлан бивкIунни. Дагъусттан туристътуран тIалавну бушиву исват хьунни OneTwoTrip сервисрал ду­сса хIасиллайн бувну, август зуруй Аьрасатнал шагьрурдая бигьалаган нанисса яла чIявуми туристътал Дагъусттаннайн нанисса бушиврийну.

Компаниялул клиентътурал июль зурул 15-нния байбивхьуну август зурул 1-нния 30-ннийн бияннин заказ бувсса билетирттайн бувну, тасттикь хьунни яла чIявуми туристътурал Да­гъусттан язи бувгьуну бушиву.

[dropcap]Я[/dropcap]ла анавармур транспорт авиациялулмур душиву хIи­савравун ларсун, республикалий туризм хьхьичIуннай даврин хъунмасса бияла биян буллай бур МахIачкъалаллал аэропортрал.
Вай хIасиллайн бувну, июль зурул 17-ннийн бияннин, Ма­хIачкъалаллал аэропортрал кьамул бунни миллиондалийн бивсса пассажиртал. Гъинттулсса расписаниялий чIяру дунни Москавлийнсса ва Санкт-Петербургливсса рейсру, мукунна цIу дуккан дунни Туркнавунсса рейсругу.

[dropcap]М[/dropcap]ахIачкъалаллал аэропортрая дуллалисса рейсирдал расписаниялул хIакъиравусса балжисса информация кIул бан бюхъайссар mcx.aero сайтрай.
Шиккува кIицI лаган, агьалинал цIуллу-сагъшиву мюхчан даву, коронавирусрал инфекциялия буруччаву мурадрай, МахIачкъалаллал аэропортрай цIакьсса къадагъа дирхьуну, маскардал режим баян бувну бу­ссар.