Къизилюртуллал вневедомственный къаралданул отделданий хьунни ванияр 14 шинал хьхьичI терактраву оьрмулуцIа хьусса зузалт дакIнийн бичлачисса мероприятие.
ДакIнийн бутан, ва иш хьуссия 2007 шинал июль зурул 18-нний. Къизилюртлив школалул стадиондалий, физкультуралул дарс нанисса чIумал пIякь учаву хьуну, оьрмулуцIа хьуссар вневедомственный къаралданул мукьа зузала: милицанал прапорщик Муратхан Бахтияров, милицанал хъунама сержант Оьмар Исрапилов, милицанал сержант Рамазан Халилов, милицанал чIивима сержант МахIаммад Аьлиев.
Арула зузалайн дирссар личIи-личIисса щавурду.
Аьпалул хьуми дакIнийн бичлай, Росгвардиялул зузалтрал дирхьунни тIутIив вайннансса гьайкалдануцI ва баян бунни минутIрайсса пахъ багьаву.
– Тания шихуннай 14 шин ларгнугу, жула коллегахъул аьпалул хьусса къюву лагь хъанай дакъар. Жу хIарачат барду миннал кулпатирттачIан ччя-ччяни биян, миннал масъалартту щаллу бан кумаг бан, – увкунни цала ихтилатраву Къизилюртуллал вневедомственный къаралданул районнал дянивсса отделданул хъунаманал хъиривчу, полициялул подполковник МухIиттин Мусаевлул.
