Жагьилтурал творчествалул конкурс

Дагъусттаннал Жагьилтурал иширттал министерствалул Жагьилтурал центрданий хьунни «Дельфийские игры» цIанилусса жагьилтурал дянивсса творчествалул конкурсрал региондалул ятIап.

Амина Рамазанова

[dropcap]М[/dropcap]ероприятие тIитIлай, жагьилтурал иширттал министр Камил Саидовлул цIания конкурсрал гьурттучитал ва хъамал барча бунни ванал хъиривчу ПатIимат Оьмаровал.
Конкурсрай гьуртту хьунни республикалул 30 райондалиясса ва шагьрулиясса 100-нния ливчу­сса оьрчIру-душру. Вайннавух бур ДучIиннал школалул 9-мур клас­срал дуклаки душ Амина Рамазановагу. Ва бувкIун бия конкурсрай гьурттушинна дан райондалул Культуралул управлениялул методист МахIач Акаевлущал.

Цилалу халкьуннал балай увкуну, ванил лайкь бунни Барчаллагьрал чагъар. Бяст-ччал хьунни личIи-личIисса номинациярдаву: «сурат дишаву», «халкьуннал художествалул сянатру», «цалалу балай учаву», «халкьуннал инструментирттай руцаву».
ДР-лул Жагьилтурал иширттал министерствалул гьан бан тIий бур региондалул ятIапрай ххув хьуми Пермь шагьрулийн Аьрасатнал жагьилтурал дянив­сса 20-сса Дельфиянал тIуркIурдай гьуртту хьун.