[dropcap]Ш[/dropcap]икку гьуртту хьун оьвкуну бия Хъювхъиял шяраваллил администратор Асият Аьлиевайн, АьФ-лул лайкь хьусса учитель Султанат АхIмадовайн(ва жула АхIмад АхIмадовлул нинур), Хъювхъиял школалул директор Аьйша Исяевайн ва цаймигу шяраву бусравсса хъаннийн, дуклаки оьрчIайн.

Вай байрандалущал барча буллай, ихтилат бунни филиалданул хъунмур Рукьижат Оьмаевал. Ванил кутIану бувсунни 8-мур мартрал кьинилул тарихрая, дуккаврил, оьрчIру тарбия баврил ва захIматрал ххуллий ххуйсса ккаккияртту чIалачIи дурсса шяраваллил хъанния.
Дуклаки оьрчIал дурккунни ниттихъан хас дурсса назмурду, увкунни балайрду.

[dropcap]И[/dropcap]хтилатру бунни хъамаллуралгу. Ахирданий Рукьижат Оьмаевал барчаллагь увкунни мероприятиялий гьурттушинна дан бувкIсса учительтурахь ва школалул директор Аьйша Исяевахь.
КIицI лаган, Хъювхъиял шяравусса райондалул Культуралул центрданул филиал бур цала даву хьхьичIунну дуллалисса идарарттавасса ца. Филиалданул хъунмур Рукьижат Оьмаевал лях гьан къаритай царагу байран. Гьарица тарихравун дагьсса кьини, шяраваллил жяматгу лагма лаган бувну, лахъа-хъунну кIицI лагай вайннал. Цинярдагу мероприятияртту дакIний личIанссагу шай.