ДР-лул Минздраврал кIилийну чIяву бунни прививкарду дансса пунктру. Поликлиникардаву, шагьрурдал ва районнал больницардай уттигу тIивтIунни 27 кабинет. Цинявппагу хьунни 54 пункт. Ми бакъассагу, кIантту-кIанттурдай тIитIлай бур мобильный пунктру.
Т. ХIажиева
ЦIана Дагъусттаннай коронавирусрал прививка дурсса ур 21325 инсан. Миннава къашай хьусса цалсса цучIав акъар.
Цал уттигу дакIнийн бутан, прививка дуллалиссар 18 шиная ливчуминнайн. Лякьлуву, ккуккулий оьрчI буминнан прививка дан къабучIи буллай бур.
Цуппа прививкалул препарат 2 бутIуя сакин хьуну бур. Цалчинмур бувну 21 гьантлува кIилчинмур буллай бур.
КIирагу прививка дурминнахьхьун Ковид-19-рая прививка дуршиврул сертификат дулайссар.
