Хъаннил байрандалул хьунийн Республикалул ХIукуматрал хъунама АьбдулпаттахI Амирхановлул паччахIлугърал наградартту дуллунни Дагъусттаннал хьхьичIунсса хъаннин.
Ца яла лараймур наградалун лайкь хьуминнавух бур Лакрал театрданул литературалул ва драмалул отделданул хъунмур Гулизар Султановагу. Ванин дуллунни Аьрасатнал Президент Владимир Путиннул чулухасса «Дусшиврул орден».
Гулизар Султанова бур Аьрасатнал хьхьичIунсса театровед, театрданул тарихчи, искусствоведениялул кандидат, Аьрасатнал магьирлугърал бусравсса ишккакку, чIярусса элмийсса давурттал автор.
Ванин дунияллул ва аьрасатнал драматургия гьарза-гьартану кIулшиврул авадан дурссар тIий бур дагъусттаннал театрал магьирлугъ.
Ххарину ва пахрулий барча тIий буру жунма ххирасса Гулизардухь хъуннасса награда!
