Цаппара гьантрал хьхьичI Американал Лас-Вегас шагьрулий жула цIа дурксса ию Ислам МахIачев ххув хьунни Американал ию Дрю Добердуяр. Цалчинмур раундрай Исламлул муттаэ щяв увтун, ялату бахьлай, ласу бухIан увну ия. КIилчинмур раундгу гара куццуйсса хьуна. Шамилчинмур раундрай МахIачевлул цIунилгу тикрал дуруна тейкдаун ва ялату муттаэ бугъ уллалисса прием дурну, американлув лергъ тIутIи увну, канийн учIан увна.

Ххув хьуну махъ интервью дуллай, Ислам МахIачевлул увкунни: «Ттун кIулссия Добер захIматсса муттаэ ушиву. Ттуща бюхъанссия танащал иян ликкурттай авцIунугу, амма танал заккана бищаву гужсса дур, мунияту на язи бугьав бигьамур ххуллу – щяв увтун, га хIалдания гьан увну, канийн учIан ував».