Дагъусттаннал Кьинирдал лагрулий хьусса шадлугъирттал ца чIюлушиннану хьунни щалла дунияллийх цIа ларгсса «Лезгинка» ансамбльданул концертгу. Ссятрай лахъи ларгсса концертрай цIанихсса къавтIалтрал ккаккан дунни цалла репертуарданувасса язими къавтIавуртту.
Валентина Матвиенкол барчаллагь увкунни коллективрахь Дагъусттаннал халкьуннал магьирлугъ ядавриву буллалисса захIматрахлу. Цилва ихтилатраву ванил кIицI лавгунни ва коллектив цинма кIулцириннуву ца яла тивталмур бушиву, шиву личIи-личIисса миллатирттал жагьилтал бушивугу хIакьсса дусшиврул чIалачIинну хъанахъишиву.