Пьеса ккаккан бунни Лаккуйгу

Пьеса ккаккан бунни Лаккуйгу

Ларгсса хамискьини Лакрал театрданул Гъумук ва Ваччав хъунмасса тIайлабацIулущал ккаккан бунни ттигъанну МахIачкъалалив премьера хьусса С. Кьасумовлул «Оьтту ва макь» тIисса спектакль.

Зулайхат Тахакьаева
Спектакль ккаккан бунни Лакрал райондалул бакIчи Юсуп МахIаммадовлул ва Ккуллал райондалул бакIчи Шамил Рамазановлул кабакьаврийну (уква).

Лакрал райондалул бакIчи Юсуп МахIаммадов гьурттусса хъамал

Му ххал бан бувкIминнавух ия кIиягу бакIчи, районнал идарарттал каялувчитал ва шяраваллал бакIчитал. БувкIун бия, Гъумучату ва Ваччату бакъасса, лагма щархъавасса агьлугу.
Ххуйну кьамул бунни спектакль кIирагу райондалий. Районнал бакIчитурал барчаллагь увкунни артистътурахь ва спектакльданул давриву гьуртту хьуцириннахь. Хъаннин пишкаш дурунни тIутIив. Махъ дунни хъинсса хъамалушингу.

Читайте также: