Дагъусттаннал БакIчи хьунаавкьунни Аьрасатнал Президентнащал

[dropcap]И[/dropcap]юльданул 10-нний ДР-лул БакI­чинал кIанайма Владимир Васильев хьунаавкьунни Аьрасатнал Президент Владимир Путиннущал.
Владимир Васильевлул Президентнахь бувсунни гьашину мартрай Дагъусттаннайн увкIсса чIумал Владимир Путиннул республикалул каялувчинайн дурсса тапшур бавуртту бартдигьлай буссарив.

[dropcap]Р[/dropcap]еспубликалул каялувчинал тIимунийн бувну, бюджетрал арцу цинярдагу цила чIумал диллай дур инсантурачIан. Лябукку хъанай бур цIуллушиву дуруччаврил, дуккаврил, инсантуран яхьун хIалусса шартIру дузал даврил ххуллий. «ЦIанасса ппурттуву зий буссар Росздравнадзор, Антимонополиялул къуллугъ, кумаг буллай буссар ми ведомстварттал оьвкуну бучIан бувсса экспертътурал. Гьаннай­сса, хIарачат буллай буру ина бивхьусса масъалартту бартбигьин», — увкунни Владимир Васильевлул.

Хьунабакьаврий ххал бивгьунни къуллугъирттай зузалт битаврил масъалагу. Президентнал буллусса суалданухьхьун жаваб дуллай, Владимир Васильевлул бувсунни Дагъусттаннай цIуну къуллугъирттай битансса зузалтрал луртан, (кадровый резерв), хIадур дуллай бушиву, конкурсрай ххув хьуну ушиву 61 инсан.

Владимир Васильевлул бусаврийну, цIанасса ппурттуву Генпрокуратуралул зузалтрал ашкара бувну бур 200-нния ливчусса закон лиян дурсса ишру. Коррупциялувух гьурттусса къуллугъчитал давурттая букьан буллай бур, ми танмихIирттайн кIункIу буллай бур. Уттинин 200-нния ливчусса къуллугъчитал жаваб дуллали бувну бур, прокуратуралул материаллайн чул бивщуну.

[dropcap]Р[/dropcap]еспубликалул каялувчинал бувсунни мукунма аьркинну бушиву ласун 4 компьютерданул томограф, зунттал районная шагьрурдайн къазананшиврул.
Владимир Васильевлул бувсунни Каспийскаллал флотилия буллай байбишаврил хIакъиравугу. Президентнахь мунал тавакъю бунни республикалий жамирду бакьин байсса завод бувансса чаран лякъин, зузи кIанттурдугу дузал хьуншиврул.