Энергетиктурансса бахшишрал концертру

Июльданул 20-нния тIайла хьуну, августрал 20-ннийн бияннин Дагъусттаннай дуллалиссар «Россетилул» ученияртту. Миннуйну кумаг хьунтIиссар Дагъусттаннайсса электросетьрал комплекс мюхчанну, цалийну, аварияртту дакъа зузаврин. Энергетиктурал чIарав бацIаву мурадрай, республикалул культуралул зузалтрал миннан ккаккан дуллантIиссар концертру.

Бадрижамал Аьлиева
[dropcap]Р[/dropcap]еспубликалул хъамаллуран-энергетиктуран куну, хIадур дурну дур культуралул хъуннасса программа. Мисалдаран, Дагъусттаннал паччахIлугърал филармониялул Гъинттулмур майданнив, энергетиктал бацIантIисса «Журавли», «Дельфин», «Сары-Кум», «Талгъи», «Лезет» тIисса ва цаймигу бигьалагай базардай ученияртту нанисса зурул дянив республикалул творчествалул коллективирттал ккаккан дантIиссар концертру.

Мукунма тIивтIуну бикIантIиссар музейрду ва выставкартту, микку учениярттал гьурттучитуран – республикалул хъамаллуран ккаккан бувантIиссар дагъусттанлувтурал багьу-бизу, аьдатру, культура ва тарих.
Вай давуртту дуллалиссар Республикалул БакIчинал кабакьаврийну.