[dropcap]А[/dropcap]прельданул 16-нний Дагъусттаннайн зана хьунни вай гьантрай Смоленскалий хьусса лачIун буккаврил Аьрасатнал первенствалий ххув хьуми ва хьхьичIунсса кIанттурду бувгьуми.
Дагъусттаннал цачIундур командалул ларсунни 14 медаль, миннувату 4 дур мусил, 1 арцул ва 9 чарвитулсса.
Турнирданий ххув хьунни АхIмад Идрисов (57 кило), АьппасхIажи МахIаммадов (61 кило), Разамбек Жамалов (70 кило), МахIаммадхан МахIаммадов (97 кило).
МахIачкъалаллал аэропортрай билаятрал первенствалий наградартту ларсми хьунабакьлай бия ДР-лул Физкультуралул ва спортрал министерствалул вакилтал, гъан-маччами, дустал.
«Жулва лачIунбуккултрал жува уттигу цал ххари бунну, 14 медаль ласаву – му Дагъусттаннал лачIун буккаврил школалул лавайсса даража исват баврил хIасилли.
Барча тIий ура гьарца хьхьичIунсса кIану бувгьусса спортсменнахь ва мунал тренернахь зул хьхьичIуннайшиву», — увкунни ДР-лул Минспортрал спортсментал хIадур баврил управлениялул хъунама Халитбаг МахIачевлул.
