ДР-лул миллатрал политикалул министр Татьяна Гамалей гьуртту хьунни апрельданул 22-нний Аьрасатнал Федерациялул Ухссавнил Ккавкказуллал иширтталсса байсса министерствалуву хьусса заседаниялий. Му дурну дур оьрус миллатрал халкь Ухссавнил Ккавкказуллал федерал округрая бивзун нанаврил хьхьичIалу кьукьаврил ведомстварттал дянивсса зузи группалул ва хьуну дур АьФ-лул Ухссавнил Ккавкказуллал иширтталсса бувайсса министерствалул бакIчинал хъиривчу Одес Байсултановлул каялувшиндаралу.
Бадрижамал Аьлиева
Му батIаврий ххалбивгьуну бур оьрус миллатрал халкь жулла региондалия бивзун нанаву дацIан дансса ххуллурду-чаранну лякъаврин хас бувсса масъалартту. Заседаниялул давривух гьуртту хьуну бур исполнительный властьрал федерал органнал вакилтал: Аьрасатнал Федерациялул Экономразвитиялул министерствалул, Миллатирттал иширттал Федерал агентствалул, Жагьилтурал иширттал Федерал агентствалул ва цаймигу органнал вакилтал.
Заседаниялий цилва бувсса ихтилатраву Татьяна Гамалейл кутIану бувсун бур оьруснал миллатрал халкь бизаврил тагьар жулла республикалий цукунсса дуссарив, республикалул «Поддержка проживающего и возвращающегося в Республику Дагестан русского населения на 2014-2017 годы» программалул федерал даражалий чIарав бацIаву мурадрайсса сипталущалгу бувккун бур ва миккува.
Заседаниялул хIасиллайн бувну цаппарасса хIукмурду бувну бур.
Москавлийнсса даврил аьрххилий Татьяна Владимировна хьунабавкьуну бур Миллатрал иширтталсса байсса Федерал агентствалул цаппарасса цайми вакилтуращалгу.
