Оьрмулулгу, мурадиртталгу аргъираву унува аьпалухьхьун лавгсса жула лакрал хьхьичIунсса балайчи
Жамал Абакаровлул
бивкIулул кьурчIишивугу кIидачIлай, дакIнийхтунусса жижара буллай буру мунал ичIуваминнахь, уссурссуннахь ва махъсса цинявппагу гъан-маччаминнахь.
Цал бунагьирттал аьпа баннав, рухI бигьаний дишиннав.
«Илчи» кказитрал коллектив
—————————————-
НУРМАХIАММАДЛУЛ ДУШ КЬУРБАНОВА ЗИРИТА
Уттигъанну хавар бакъа ялун дирсса захIматсса азарданул жуятува личIи бунни, оьрмулул 52 шинаву, хIакьсса зунттал душ, 1-мур ЦIувкIратусса Кьурбанова Зирита.
Буттал шяраву школа къуртал бувну махъ Зирита бувххуна Хасавюртуллал шяраваллил хозяйствалул техникумравун, гагу ЯтIул дипломрай къуртал бувну, Лаккуйн зана хьуну, зий буссия цал Хъюйннал колхозраву, яла 1-мур ЦIувкIуллал колхозраву бухгалтерну. Ва бия дакI марцIсса, захIмат ххирасса, лагма-ялттунащал хIал бавкьусса инсан. Цила лас Кьурбанов МахIаммадлущал хъуни бувна 3 душ.
Махъсса кIира-шанна шинал дянив, апатIру хьуну, дунияллия лавгсса ххирасса душнил ва ласнал дардру духIан къахъанай, ва къашай хъанай бия.
Зирита ахиратрал шаврил хъуннасса кьурчIишиву кIидачIлай, жижара буллай буру душварахь, уссихь, ссурваврахь, цинявппагу гъан-маччаминнахь. Цил гьав нурданул дуцIиннав, алжаннул ххари баннав.
1-мур ЦIувкIуллал жямат
————————
ХIУСАЙННУЛ АРС МАКЬАХЪАЛ АПАННИ
Хъинну кьурчIину баян буллай буру жуятува личIи хьушиву Гъумучатусса ХIусайннул арс Апанни Макьаев.
Апанни увссар Гъумук 1938-ку шинал. 1955-ку шинал къуртал бувссар Гъумучиял дянивмур школа. Гара шинал увххун Дагъусттаннал паччахIлугърал шяраваллил маэшатрал институтравун, къуртал бувссар 1960-ку шинал. Институт бувккуну махъ, даврийн увххун, захIмат буллан ивкIссар. ЛяличIину кIицI дан багьлагьиссар М. ХIажиевлул цIанийсса заводрай дурми шинну. Шиккун зун увххун ур ва 1964-ку шинал. Заводрай зий бивкIминнаву яла хъунмамур хIал бувминнавусса цану хъанахъисса Апанни ХIусайновичлул ва заводрай аькъаливчIун зий дурну дур 45 шин ххишалагу. Зий айивхьуну ур инженерну. Ялу-ялун гьаз хъанай, хIарачат бусса зузала ивну ур акционер уртакьлугърал машлул центрданул начальникнал къуллугърайн. Акционертурал Апанни ХIусайновичлуйн вихшала дишайсса диркIун дур акционер уртакьлугърал агьамми масъалартту щаллу бан. Зий ивкIун ур Аьркинлугърал дузалшиндарал отделданул начальникну, дузалшиндарал директорнал хъиривчуну, Директортурал советрал председательну. БачIи аьсруксса оьрму заводрай зийгу гьан бувну, 2010-ку шинал, 71 шинал оьрмулуву, лавгун ур бусравну игьалаглан.
Ци къуллугърай цува зий унугу, Апанни ХIусайнович ккаллину уссия дурккусса, даврил ларайсса квалификация дусса специалистнан, дакI тIайласса ихтивар-гьалмахчунан, авкьусса зузалан, цалагу, чилгу чулухуннай тIалавшин ларайсса каялувчинан. Ва ия паччахIлугъраха дакI марцIну зузаврил цила хIакьсса эбрат. Щала ванал бувтсса оьрму лавгссар инсантурай аякьа дуллай, дакI цIуцIаву дуллай, хъисгу даччин дакъа цалва къуллугъ биттур буллай.
Апанни ХIусайнович дакIния къауккантIиссар ванал кулпатран, оьрчIан, уссурссуннан, Гъумучиял жяматран акъа, архIал зий бивкIсса гьалмахтуран, дустуран, уртакьтуран.
Кулпат, оьрчIру, уссур-ссу, Гъумучиял жямат, дус-ихтивартал, гьалмахтал, уртакьтал, «МахIаммад ХIажиевлул цIанийсса завод» ОАО-лул коллектив.
———————————-
ХIАНАПИЕВ ХIАБИБУЛЛАГЬ МУХIАДЛУЛ АРС
Уттигъанну оьрмулул 80 шинаву аьпалул хьунни ххаллилсса лаккучу, лакрал миллатраву акъа, вайминначIагу бусрав-сийлий ивкIсса, Дагъусттаннал лайкь хьусса строитель, ЧIяйннал шяраватусса ХIанапиев ХIабибуллагь МухIадлул арс.
Увну ур ХIабибуллагь 1936 шинал. Буттал шяраву школагу къуртал бувну, аьрали бурж лавхъун махъ ХIабибуллагь МахIачкъалалив ивзун, зий ивкIун ур Домостроительный комбинатрай. Бусса оьрму ванал лавгун бур цува зузиний лайкьну ва эбратранну яхъанай. ДСУ-лул участокрал бригадирну зузисса ванал хIарачат чIалай, увчIуну ивкIун ур шагьрулул советрал депутатну, хъирив Верховный Советрал депутатнугу. 80-ку шиннардий билаятрай хьхьичIунсса аьлимтал, космонавтътал ва личIи-личIисса пишакартал гьурттусса Совет Союзрал делегациялувух гьан увну ивкIун ур Канаданавун. ДакI марцIну ва жаваблувну зузаврихлу ХIабибуллагь лайкь хьуну ур личIи-личIисса наградарттан ва барчаллагьрал чагъардан.
Ванан дуллуну дур Лениннул орден, лайкь хьуну ур ХIурматрал лишандалун ва ХIурматрал грамотарттан. ХIабибуллагь ур СССР-данул паччахIлугърал премиялул лауреат ва Канаданал хIурматлувсса гражданин. Ванал цIа чирчуну дуссар МахIачкъалаллал «ЗахIматрал ва славалул» луттирай.
ХIабибуллагьлул бивкIулул кьурчIишиву кIидачIлай, жижара буллай буру ванал кулпатрахь, арсваврахь, душваврахь, уссурссуннахь ва ванал агьлу-авладрахь. Цув Алжаннул ххари уваннав, рухI бигьаний дишиннав, махъминнахьхьун цIуллушиву дулуннав.
ЧIяйннал жямат
—————————————
Хъуннасса кьурчIишивугу кIидачIлай, дакIнийхтунусса жижара буллай буру кулпатрахь, оьрчIахь, уссурссуннахь, гъан-маччанахь, щалвагу лакрал жяматрахь цайнува цува хьусса, гьунар ххисса балайчи, жуна цинявннан бусрав хьусса ххаллилсса инсан
Жамал Абакаров
оьрмулул аргъираву жуятува личIи аврийн бувну.
Цал гьав нурданул дуцIиннав, алжаннул къапурду тIивтIуну лякъиннав, махънал оьрмурдай барачат бишиннав. Амин.
Апанни Къапиевлул цIанийсса Лакрал музыкалул ва драмалул театрданул
коллектив
——————————————
Хъуннасса кьурчIишиву кIидачIлай, жижара буллай буру жула дус, гьалмахчу, уртакь Магьдиев Арсен МахIаммадлул арснахь, ванал ххирасса ссу
Маликат
чIун дакъасса бивкIулул жуятува личIи бувну, аьпалувух бишаврийн бувну.
Ванил рухI алжаннул ххари даннав.
Системный технологиярттал институтрал преподавательтал, студентътал ва махъсса зузалт
——————————————
Хъуннасса кьурчIишиву кIидачIлай, жижара буллай буру ТтурчIиял шяравасса Аьлиева ПатIиматлухь, ванил аьзизсса арс
Аьлиев Арсен
оьрмулул аргъираву жуятува личIи шаврийн бувну.
Цал рухI хъинний дишиннав. Алжаннул ххари аннав. Махънал оьрмурдай барачат бишиннав. Амин.
«Илчи» кказитрал зузалт
————————————————
Хъуннасса кьурчIишиву кIидачIлай, дакIнийхтуну жижара буллай буру Аьлиева ПатIиматлухь, ванил ххирасса арс
Аьлиев Арсен
чIун дакъа жуятува личIи шаврийн бувну.
Арсеннул рухI алжаннул ххари даннав, гьав нурданул дуцIиннав. Махънал оьрмурдай барачат бишиннав.
Аммаева Зайнаб
