Республикалий хъуру дугьлайнма бур. Апрельданул 3-нин дургьуну дур 37 азаллий 78 гектар интту дугьайсса ххяххиярттал, дукIу ва чIумал дургьуминнуяр 3188 гектар ххишаласса, ягу цинярда дугьан ккаккан дурминнул 33,3 процент. Интту лачIа бувгьуну бур 741 гектарданий, хъа – 514 гектарданий, нехъа – 970 гектарданий, шагьнал лачIа – 500 гектарданий, люцерна – 15518 гектарданий, пархтIутIи – 910 гектарданий, ахънилсса – 5593 гектарданий, нувщи – 2438 гектарданий, бахча – 264 гектарданий.

Ххуйсса сакиншинналий давуртту дачин дурну дур Къизлардал, Хасавюртуллал, Бабаюртуллал, Дарбантуллал, Къизилюртуллал, Тарумовкаллал ва Къарабудахккантуллал районнал.
Ахъулссаннул мурхьру бугьансса кIанттурдай плантаж дурну дур 1195 гектарданий, цинявппагу бугьантIиссар 1600 гектарданийсса багъру, миннувату интту – 567 гектарданий, ссуттил – 1033 гектарданий.
ЦIанасса ппурттуву бувгьуну бур багъру 580,8 гектарданий.
Интту хъуру дугьаншиврул аьркинну бур 68,4 азарда тонна гьаннарал, миннувату 61,5 азарда тонна бугьансса нувщул, мукунна 6,9 азарда тонна къалмул. Жулва жува щаллу буллай буру 97% гьаннарал.