Ххирасса буккулт!
ЖучIан редакциялийн тамансса инсантурал оьвкунни лакрал хъунасса чичу, аьлимчу Абачара ХIусайнаевлул таржума бувну, ацIра шинал хьхьичIва «Илчилий» бивщусса Кьурандалувасса сура «Оьл» цIуницIа бищара тIий миннат буллай.

Абачара ХIусайнаев Мос­кавуллал университетравусса филологиялул факультетрал машрикьуллал отделение къуртал бувсса, хъунисса аьлимтал хьусса МухIаммад-Нури ХIусмановлущал,

Михаил Зандлущал дуклай ивкIсса, Тарихрал, мазрал ва литературалул институтраву СССР-данул академиялул Дагъусттаннал филиалдануву зий ивкIсса аьлим­чу, элмурдал доктор ухьувкун, танийра диялсса къулагъас дия Абачара ХIусайнаевлул таржумарттах.[pullquote]Амма, цуксса хIайпнугу, жун жулва архивраву къаяхьуну лявкъунни Абачара ХIусайнаевлул таржума щаллуну. Мунияту «Илчилул» тай шиннардийсса подшивка ядур­сса ухьурча, миннат буллай буру редакциялийн биян бувара 1994 шинал гъинтнил зурдардий бувксса «Илчилул» 22-мур, 27-мур ва 28-мур номерду тIий.[/pullquote] Мунал кьатIаллил билаятирттал чичултрал произведениярттугу биялсса таржума бувну бухьурчагу, таржумачинал опытгу хъунмасса бухьурчагу, Кьурандалулмур таржума цуксса къабигьассарив жунма гьарманан кIулли. Амма, цуксса хIайпнугу, жун жулва архивраву къаяхьуну лявкъунни Абачара ХIусайнаевлул таржума щаллуну. Мунияту «Илчилул» тай шиннардийсса подшивка ядур­сса ухьурча, миннат буллай буру редакциялийн биян бувара 1994 шинал гъинтнил зурдардий бувксса «Илчилул» 22-мур, 27-мур ва 28-мур номерду тIий.
Бусурманнан ххирасса ва Рамазан зуруй Абачара ХIусайнаевлул Кьурандалул таржумалул хъиндайдихьу дуллай, ми кказитру редакциялийн биян бувминнайн жуцIун буккултгу барчаллагьрай бикIантIишиврий дакI дарцIуну буру.